បុរសចិត្តល្អម្នាក់ បានស្លាប់ខណៈពេលដែល រូបគេចេញក្រៅរថយន្ត ដើម្បីជួយបុរសម្នាក់ទៀតដែល លោតពីលើស្ពានផ្លូវធំ។

អ្នកបើករថយន្តម្នាក់ បានឈប់ហើយចេញមកក្រៅ ដើម្បីសំដៅទៅពិនិត្យមើលអ្នកលោតនោះ ប៉ុន្តែបន្តិចក្រោយមក គាត់ត្រូវបានបុកដោយរថយន្ត មួយគ្រឿងទៀត និងបានស្លាប់បាត់បង់ជិវិត ភ្លាមៗផងដែរ។ សាក្សីនៅកន្លែងកើតហេតុ បាននិយាយថា ពួកគេបានឃើញបុរស ដែលចង់ធ្វើអត្តឃាត លោតចេញពីគែមស្ពានផ្លូវធំ M1 នៅក្នុងតំបន់ Hertfordshire នៃប្រទេសអង់គ្លេស នាពេលព្រឹកនេះ។ ក្នុងនោះផងដែរ មានសាក្សីម្នាក់ ឈ្មោះ Rebecca Martin ដែលបាននឹងកំពុងធ្វើដំណើរ តាមឡានក្រុងដ៏ធំមួយ ពីត្បូងទៅជើងនៅលើផ្លូវធំ ដែលបានកើតហេតុនោះ បាននិយាយថា៖ "ឡានរបស់ពួកយើងបាន ចាប់ហ្រ្វាំងយ៉ាងខ្លាំង ហើយបានឮសម្លេងបុកគ្នា នៅខាងមុខ។ ក្រោយមកពួកយើង ក៏បានឃើញបុរសម្នាក់ លោតចេញពីលើស្ពាន នៅពីមុខពួកយើងនោះតែម្តង។ ស្របពេលនោះផងដែរ ស្រាប់តែមាន ឡានមួយគ្រឿងបានឈប់ រួចបុរសម្នាក់បានចេញមក ដើម្បីសំដៅទៅមើល ក្នុងគោលបំណងជួយដល់បុរស ដែលបានលោតសម្លាប់ខ្លួននោះ តែបែរជាអកុសល គាត់ត្រូវបានឡានផ្សេងទៀត បុកពេញមួយទំហឹងទៅវិញ។ វាពិតជារឿងដ៏អាក្រក់មួយ ព្រោះថាមនុស្សដែលចង់ព្យាយាម ជួយគេបែរជាត្រូវទទួល គ្រោះថ្នាក់ដល់ស្លាប់ទៅវិញ”។ ប៉ូលិសបាននិយាយថា ទោះបីជាក្រុមគ្រូពេទ្យនិង ឡានសង្រ្គោះបន្ទាន់ទៅដល់ កន្លែងកើតហេតុភ្លាមៗក៏ដោយ បុរសទាំងពីរនោះនៅតែ ស្លាប់នៅពេលដល់មន្ទីរពេទ្យ។ ក៏ប៉ុន្តែប៉ូលិសបាន បដិសេធក្នុងការបង្ហាញពីអាយុ ឬក៏ព័ត៌មានលំអិតទាក់ទង នឹងជនរងគ្រោះទាំងពីរ ខណៈប៉ូលិសកំពុងតែព្យាយាម ទាក់ទងទៅសាច់ញាតិរបស់ពួកគេ។ តើប្រិយមិត្តយល់យ៉ាងណាដែរ ចំពោះទង្វើរបស់បុរសចិត្តល្អម្នាក់នោះ? ប្រភពមកពី khmerload

Read More

Read More

លោកយាយ​អាយុ៧៦ឆ្នាំ​ ភ្លើងចំបើងឆាប​ឆេះស្លាប់​ កណ្តាលស្រែ​គួរឲ្យសង្វេក

ខេត្តស្វាយរៀង៖ មានរឿងដ៏គួរឲ្យ ខ្លោចផ្សាក្រៃលែង ដោយលោកយាយម្នាក់អាយុ៧៦ឆ្នាំ ត្រូវភ្លើងចំបើងឆាបឆេះរហូតស្លាប់ យ៉ាងអាណោច អាធម័កណ្តាលវាលស្រែ ដោយសារមានជនមិនស្គាល់ មុខលួចដុត ខណៈលោកយាយឃើញភ្លើងចំបើង ឆេះចូលទៅពន្លត់ អកុសលត្រូវភ្លើងឆាបឆេះព័ទ្ឋជុំវិញ មិនអាចចេញរួច ។

ហេតុការណ៏នេះបានកើតឡើងនៅ ម៉ោង៣រសៀលថ្ងៃទី៣០ មករា ២០១៤ ស្ថិតក្នុងភូមិត្រពំាងត្រាវ ឃុំញរ ស្រុកកំពង់រោទិ៍ ។ លោកយាយរងគ្រោះឈ្មោះ អ៊ុក ស៊ុន មានទីលំនៅក្នុងភូមិ-ឃុំខាងលើ ។

បើតាមនគរបាលប៉ុស្តិ៍រដ្ឋបាលឃុំញរ បានឲ្យដឹងថា មុនពេលកើតហេតុស្រ្តីរងគ្រោះ និង ចៅស្រី ឈ្មោះ គង់ រក្សា អាយុ៥ឆ្នាំ បានទៅឃ្វាលក្របីនៅវាលស្រែចម្ងាយ ពីភូមិ៤០០ម៉ែត្រ ពេលទៅដល់វាលស្រែ ក៏ឃើញភ្លើងឆេះពុំនូក ចំបើងរបស់គាត់ត្រូវភ្លើងឆាបឆេះ យ៉ាងសន្ឋោសន្ឋៅ ក៏រត់ចូលទៅពន្លត់ដោយខ្លាចឆេះរាលដាល ដល់ចំបើងស្រែគេជិតខាង ស្រាប់តែភ្លើងឆាបឆេះជុំវិញតែម្តង បណ្តលឲ្យឆេះលោកយាយស្រែកឲ្យគេ ជួយតែគ្មានអ្នកណានៅក្បែរ សំណាងល្អចៅស្រីពេលភ្លើងឆេះយាយ មិនរត់ចូលទៅតាមយាយ បានរត់ទៅផ្ទះបា្រប់បងស្រីឈ្មោះ គង់ គន្ឋា អាយុ២១ឆ្នាំ ថាយាយភ្លើងឆេះ ក៏ស្រែកឆោឡោ ហើយអ្នកភូមិក៏ទៅជួយ តែពេលទៅដល់ ហួសពេលទៅហើយ គឺលោកយាយត្រូវភ្លើងឆេះរួញខ្មៅស្លាប់ក្នុងភ្លើង ចំបើងយ៉ាងអាណោចអាធម័ ។ ក្រុមអ្នកភូមិបានត្រឹមតែសែងសព លោកយាយ អ៊ុក ស៊ុន មកផ្ទះធ្វើបុណ្យតាមប្រពៃណីប៉ុណ្ណោះ ។ នៅពេលនេះសមត្ថកិច្ចកំពុងស្រាវជ្រាវករណីនេះ ៕

ប្រភពមកពីkhmerload

Read More