ប្រភពមកពី៖ news.sabay.com.kh
ក្រុម TSG 1899 Hoffenheim បានបង្កើតកំណត់ត្រាថ្មីមួយហើយពេលប្រកួតជាមួយក្រុម Bayern Munich ដោយអាចរកគ្រាប់បាល់បានលឿនជាងគេក្នុងប្រវត្តិសាស្ត្រត្រឹមតែ១នាទីប៉ុណ្ណោះបន្ទាប់ពីកែបាល់ ប៉ុន្តែគួរឱ្យសោកស្ដាយចប់ការប្រកួត Bayern អាចវាយបកយកឈ្នះវិញដោយលទ្ធផល ២-១។
Hoffenheim ពិតជាបង្កការភ្ញាក់ផ្អើលមែនយប់មិញ ដោយគ្រាន់តែកែបាល់ភ្លាមអាចស៊ុតចូលក្រុម Bayern បានភ្លាមដោយកីឡាករ Volland នៅនាទីទី១។ តែក្រោយមកទៀត នៅនាទី ៤១ ខ្សែប្រយុទ្ធ Muller បានរកគ្រាប់បាល់បានស្មើវិញ ដោយអ្នកចាំទី Baumann ចាប់បាល់ក្រឡក។ ចូលដល់តង់ទី២ នាទី៧៣ ក្រុម Hoffenheim ទទួលបានបាល់ពិន័យ១១ម៉ែត្រ ដោយកីឡាករ Boateng បង្កកំហុសក្នុងតំបន់គ្រោះថ្នាក់ ហើយក៏ត្រូវបណ្ដេញចេញតែម្ដង(កាតលឿង២ដង) ប៉ុន្តែជាសំណាងរបស់ Bayern ព្រោះថាកីឡាករ Polanski ទាត់មិនចូល។
ដោយសល់គ្នា១០នាក់ក្រុមការពារតំណែងជើងឯក Bundesliga ក៏មិនរួញរាដែរ ពោលគឺនៅតែវាយសម្រុកម្ចាស់ផ្ទះដដែល រហូតដល់នាទី៩០ទៅហើយ ទើបខ្សែប្រយុទ្ធ Lewandowski ស៊ុតចូលមួយគ្រាប់ទៀត ជាគ្រាប់ជ័យជម្នះតែម្ដង។ ចប់ការប្រកួត Hoffenheim ចាញ់ Bayern Munich ២-១ ៕
ប្រែសម្រួល៖ មុន្នី រម្យ
ប្រភព៖ dailymail
ប្រភព៖ dailymail
0 comments:
Post a Comment