ប្រភពមកពី៖ khmerload
កូរ៉េ៖ ក្រុមតារាចម្រៀងស្រី សាច់សខ្ចី និងមានប្រជាប្រិយខ្លាំង ប្រចាំប្រទេសកូរ៉េ ខាងត្បូង គឺក្រុម Girls Generation បានជួបគ្រោះថ្នាក់ចរាចរណ៍ នៅតាមផ្លូវ ធ្វើដំណើរទៅសម្តែង នៅក្នុងកម្មវិធី «Mnet M! Countdown» ប៉ុន្តែជាសំណាងល្អ មិនបណ្តាលឲ្យមាន គ្រោះថ្នាក់ធ្ងន់ធ្ងរនោះទេ។
តារាស្រីស្រស់ស្អាតក្រុម Girls Generation
អ្នកតំណាងផលិតកម្ម SM Entertainment បានឲ្យដឹងថា នៅល្ងាច ថ្ងៃទី២៧ សីហា ថ្មីៗនេះ ក្រុមតារាចម្រៀង Girls Generation បានជួបគ្រោះថ្នាក់ចរាចរណ៍ ដោយរថយន្តរបស់ពួកគេ បានបើកទៅប៉ះជាមួយ រថយន្តដែលនៅខាងមុខ នៅតាមផ្លូវ ទៅសម្តែង ក្នុងកម្មវិធី «M Countdown» ប៉ុន្តែមិនមាន អ្នករងរបួស នោះទេ។
អ្នកតំណាងរូបនោះ បាននិយាយទៀតថា "នៅជុំវិញបរិវេណ ក្បែរកន្លែងកើតហេតុនោះ មានការដ្ឋាន កំពុងសាងសង់មួយ ដែលកំពុងតែ សាងសង់ នៅលើផ្លូវ ដូច្នេះខណៈពេល កំពុងតែបើកយឺតៗនោះ ស្រាប់តែឡាន របស់ពួកនាង បានប៉ះគ្នា បន្តិចបន្តួច ជាមួយឡាន នៅខាងមុខនោះ តែសំណាងល្អ មិនមាននរណាម្នាក់ រងរបួសនោះទេ ហើយពួកគេ ក៏បានចូលរួមការសម្ដែងជាធម្មតា ដោយសុវត្ថិភាព"។
យ៉ាងណាមិញ វាពិតជាសំណាងល្អណាស់ សម្រាប់ពួកនាង ដែលពុំមានគ្រោះថ្នាក់ ឬរងរបួសអ្វីនោះ៕
ប្រភព៖ បរទេស
ដោយ ឌី
ខ្មែរឡូត
0 comments:
Post a Comment