ប្រភពមកពី៖news.sabay.com.kh
សេវាកម្សាន្ត AK ដែលទទួលបានការពេញនិយមពីប្រិយមិត្តនិងមិត្តយុវវ័យ បានបង្កើតពន្លកស្នេហ៍យុវវ័យមួយគូរស្រលាញ់គ្នារហូតចាប់ដៃគ្នាចូលរោងការធ្វើជាគូអនាគត។ ទំនាក់ទំនងពីមិត្តភ័ក្ដិធម្មតានិងឈានទៅចាប់ដៃគ្នាកសាងគ្រួសារនេះ គឺដោយសារគូស្នេហ៍មួយគូនេះជាអ្នកគាំទ្រនិងនិយមសេវាកម្សាន្ត AK ហើយដែលនិស្ស័យនិងចំណង់ចំណូលចិត្តដូចគ្នា ធ្វើឲ្យពួកគេបង្កើតទំនាក់ទំនងរហូតស្គាល់ចិត្តស្គាល់ថ្លើមគ្នាឈានទៅកសាងអនាគតជាមួយគ្នា។
Sorn Jiho បានរំលឹកពីការចាប់ផ្ដើមដុះពន្លកស្នេហ៍ជាមួយភរិយាខ្លួនថា ដោយសារការស្រលាញ់ចូលចិត្ត គេតែងតែចូលកម្សាន្តបាញ់ AK ជាប្រចាំនៅពេលទំនេរពីការងារនិងការសិក្សា។ ចៃដន្យយប់មួយនោះ គេបានបាញ់ AK ក៏បានស្គាល់នារីម្នាក់ជាភរិយាដែលក៏ជាអ្នកចូលចិត្តកម្សាន្ត AK ដូចគ្នាដែរនោះដោយចៃដន្យ។ ពេលនោះមិនដឹងយ៉ាងម៉េច ឬមកពីគូពីអតីតជាតិក៏មិនដឹងគឺចាប់អារម្មណ៍គេយ៉ាងខ្លាំង ដោយចង់ស្គាល់ចង់រាប់អានគេនិងព្យាយាមទាក់ទងគេចាប់ពីពេលនោះមក។
បន្ទាប់ពីបានស្គាល់គ្នាដោយស្មានមិនដល់ Jiho បានព្យាយាមបង្កើនទំនាក់ទំនងទាំងនៅពេលកម្សាន្តក្នុង AK និងនៅលើបណ្តាញសង្គម Facebok ដោយចាប់ផ្ដើមពីមិត្តភ័ក្ដិធម្មតា រហូតដល់ពេលមួយដែលគេសម្រេចចិត្តបើកបេះដូងបង្ហាញក្តីស្រលាញ់ចំពោះនារីជាភរិយាគេម្នាក់នោះ។
Jihor ថា ក្រោយរាប់អានគ្នាបានមួយរយៈនិងដឹងចិត្តដឹងថ្លើមខ្លះៗ គេក៏បានសម្រេចចិត្តសារភាពស្នេហ៍ចំពោះនារីជាភរិយា ដែលពេលនោះក៏ទទួលបានការឆ្លើយតបជាវិជ្ជមាន ទើបគេឈានទៅរកមេបាចូលចែចូវស្តីដណ្តឹង។ បន្ទាប់ពីទទួលការយល់ព្រមមេបាទាំងសងខាង ក៏បានចូលរោងអាពាហ៍ពិពាហ៍ជាមួយគ្នាកាលពីខែកុម្ភៈកន្លងទៅនេះ។
Johor ជាអ្នកខេត្តបាត់ដំបងនិងជាអ្នកគាំទ្រសេវាកម្សាន្ត AK មួយរូប។ យុវជននេះយល់ឃើញថាការលេងសេវាកម្សាន្ត AK អាចជួយបង្កើតភាពរីករាយ បង្កើនប្រាជ្ញាស្មារតី និងការទំនាក់ទំនងរវាងគ្នានិងគ្នា។ យ៉ាងណាយុវជនរូបនេះបញ្ជាក់ថា ការកម្សាន្តក៏គួរតែមានការបែងចែកពេលវេលាឲ្យច្បាស់លាស់ ដើម្បីចៀសវាងកុំឲ្យប៉ះពាល់ដល់ការសិក្សា ឬការប្រកបការងារផ្សេងៗ។
0 comments:
Post a Comment