ប្រភពមកពី៖ news.sabay.com.kh
ខេមរសហព័ន្ធកីឡាតេក្វាន់ដូ បានបញ្ជូនអត្តពលិកខ្លួនចំនួន ៩ នាក់ ផ្នែកវិញ្ញាសាតេក្វាន់ដូ WTF (World Taekwondo Federation) ទៅចូលរួមប្រកួតក្នុងព្រឹត្តិការណ៍ប្រកួតជើងឯកតំបន់អាស៊ាន The 12nd ATF Taekwondo Championship 2015 ដែលរៀបចំឡើងនៅទីក្រុងហូជីមិញ ប្រទេសវៀតណាម។
ការប្រកួតតេក្វាន់ដូ នាពេលកន្លងមក (រូបតំណាង)
ក្រុមកម្ពុជា ដឹងនាំដោយលោក គង់ សក្ខិដា អគ្គលេខាធិការខេមរសហព័ន្ធកីឡាតេក្វាន់ដូ និងលោកគ្រូ ម៉ៅ សុផល បានចេញដំណើរទៅប្រកួតកាលពីចុងសប្ដាហ៍កន្លងទៅ។ ការប្រកួតធ្វើឡើងពីថ្ងៃទី ២៣ ដល់ ២៦ ខែ មីនា នេះ លើវិញ្ញាសា ប្រយុទ្ធ និង មេគុណ។
សម្រាប់វិញ្ញាសាប្រយុទ្ធមាន កម្ពុជាបញ្ជូនកីឡាករចំនួន ៤ រូបមាន កីឡាករ វ៉ាន់ ឬទ្ធី (ទម្ងន់ក្រោម៦៨គីឡូក្រាម) កីឡាករ នី សុវណ្ណរ័ត្នន៍ (ទម្ងន់ក្រោម៥៤គីឡូក្រាម) កីឡាករ ទី ច័ន្ទហេង (ទម្ងន់ក្រោម៥៨គីឡូក្រាម) និង កីឡាការិនី ចែម ច័ន្ទធារី (ទម្ងន់ក្រោម៤៩គីឡូក្រាម)។
ចំណែកវិញ្ញាសាសំដែងវិញ មានកីឡាករ ៥ នាក់គឺ កីឡាករ ទួន ណាវុធ, រិន ប៊ុនហួត, ឱក សុវណ្ណារ៉ា, ផល សុវណ្ណាត់ និង កីឡាការិនី ស៊ឹម រចនា។ វិញ្ញាសានេះមានប្រកួតជា ឯកត្តជន, សម្ដែង ២ នាក់, សម្ដែងជាក្រុម និង ការសំដែងចម្រុះ (បុរស-នារី)។
មុនចេញដំណើរលោក គង់ សក្ខិដា ក៏មិនច្បាស់ថាព្រឹត្តិការណ៍នេះ មានប្រទេសជាសមាជិកអាស៊ានប៉ុន្មានចូលរួមនោះទេ។ ប៉ុន្ដែនេះជាការប្រកួតកម្ដៅសាច់ដុំនៅឆាកអន្តរជាតិ ដើម្បីត្រៀមទៅចូលរូមប្រកួតកីឡាស៊ីហ្គេម ឆ្នាំ ២០១៥ ដែលនឹងមកដល់នៅខែ មិថុនា ខាងមុខ នៅប្រទេសសិង្ហបុរី៕
មុនចេញដំណើរលោក គង់ សក្ខិដា ក៏មិនច្បាស់ថាព្រឹត្តិការណ៍នេះ មានប្រទេសជាសមាជិកអាស៊ានប៉ុន្មានចូលរួមនោះទេ។ ប៉ុន្ដែនេះជាការប្រកួតកម្ដៅសាច់ដុំនៅឆាកអន្តរជាតិ ដើម្បីត្រៀមទៅចូលរូមប្រកួតកីឡាស៊ីហ្គេម ឆ្នាំ ២០១៥ ដែលនឹងមកដល់នៅខែ មិថុនា ខាងមុខ នៅប្រទេសសិង្ហបុរី៕
អត្ថបទ៖ ម៉ឺន រស្មី
0 comments:
Post a Comment