ប្រភពមកពីី៖ news.sabay.com.kh
ប្រភេទម៉ូតូ Scooter ឬអូតូរបស់ Suzuki គឺ Suzuki Nex កំពុងឡើងកូដខ្លាំងដោយកំពុងទទួលបានការគាំទ្រនិងប្រជែងម៉ូតូអូតូដទៃទៀតលើទីផ្សារទិញប្រើប្រាស់។ ម្ចាស់ហាងលក់ម៉ូតូមួយចំនួនដែល Sabay បានសាកសួរក៏ទទួលស្គាល់សម្រាប់ប្រជាប្រិយភាពរបស់ម៉ូតូអូតូរបស់ Suzuki នេះដែរ។
លោក តុលា ម្ចាស់ហាងលក់ម៉ូតូមួយកន្លែងនៅម្តុំវត្តសំពៅមាសបានឲ្យដឹងថា ម៉ូតូ Nex របស់ Suzuki កំពុងទទួលការគាំទ្រច្រើនលើទីផ្សារអ្នកប្រើប្រាស់។
“Nex យើងលក់ចេញបានច្រើន បើធៀបម៉ូតូផ្សេងៗទៀត”។ លោកថា Nex ក្រៅពីចំណុចទាក់ទាញដូចជាការរចនារូបរាងតូចល្មមត្រូវចិត្តក្មេងៗ តម្លៃក៏ជាកត្តាធ្វើឲ្យអ្នកទិញប្រើប្រាស់ចាប់អារម្មណ៍ម៉ូតូនេះ។
ចំណែកបុគ្គលិកនៅក្រុមហ៊ុន OMC បានឲ្យដឹងដែរថា Nex បានក្លាយជាម៉ូតូ Suzuki ដែលលក់ដាច់បំផុតនៅទីផ្សារប្រទេសកម្ពុជា។ បុគ្គលិករូបនេះបញ្ជាក់ថា មូលហេតុដែលអតិថិជនគាំទ្រម៉ូតូ Nex ច្រើន ដោយសារតែការរចនារូបរាងងាយស្រួលសម្រាប់ការប្រើប្រាស់ ម៉ាស៊ីនក៏ល្អជាពិសេសតម្លៃក៏ធូរថ្លៃបើធៀបម៉ូតូអូតូដទៃទៀត។
លោកតុលា បានបន្ថែមថា ក្រៅពី Nex ដែលកំពុងទទួលបានការគាំទ្រលើទីផ្សារ ម៉ូតូពពួក Scoopy, Click និង Let’s ក៏មានការចាប់អារម្មណ៍និងទីផ្សារក៏លក់ចេញបានច្រើន។
អត្ថបទ៖ ប៊ុណ្ណារ៉ា
0 comments:
Post a Comment