ប្រភពមកពី៖ news.sabay.com.kh
មនុស្សមួយចំនួន តែងជួបបញ្ហាក្លិនខ្លួនមិនល្អ ហើយបានប្រើគ្រឿងក្រអូបដើម្បីជួយទប់ស្កាត់ ប៉ុន្តែវាមិនមែនជាវិធីត្រឹមត្រូវក្នុងការលុបបំបាត់ក្លិបនោះឡើយ។ ផលិតផលដែលមានក្លិនក្រអូប ឬទឹកអប់ មានសារធាតុបង្កគ្រោះថ្នាក់ដែលអាចប៉ះពាល់ដល់សុខភាពក្នុងរយៈពេលវែងទៅវិញ។ វិធីដ៏ត្រឹមត្រូវមួយ គឺអ្នកគួរបរិភោគអាហារ៥ប្រភេទខាងក្រោមនេះ ព្រោះវាអាចកម្ចាត់ក្លិនមិនល្អចេញពីខ្លួន៖
១. អាហារបែបធម្មជាតិ (បន្លែ ផ្លែឈើ)
ការទទួលទានបន្លែផ្លែឈើឲ្យបានច្រើន នឹងជួយបញ្ហានេះបាន ព្រោះវាមានផ្ទុកជាតិសរសៃ និងអង់ស៊ីមច្រើន ដែលអាចប្រឆាំងនឹងប្រតិកម្មអុកស៊ីត ហើយវាក៏អាចជួយឲ្យប្រិយមិត្តមានក្លិនល្អពីធម្មជាតិផងដែរ។ នេះគឺជាជំហានដំបូងក្នុងការបំបាត់ក្លិនខ្លួន។
២. ជាតិស័ង្កសី
ការទទួលទានម្ហូបអាហារដែលសម្បូរជាតិស័ង្កសី ក៏ជាវិធីជួយកាត់បន្ថយក្លិនខ្លួនបានដែរ។ សូមព្យាយាមញ៉ាំគ្រាប់ធញ្ញជាតិដូចជា គ្រាប់ល្ពៅ ទឹកដោះគោជូរ សាច់ និងអាហារសមុទ្រ ព្រោះពួកវាផ្ដល់នូវជាតិស័ង្កសីគ្រប់គ្រាន់ឲ្យរាងកាយ។
៣. ទឹកដោះគោជូរ
ការទទួលទានទឹកដោះគោជូរ នឹងជួយឲ្យរាងកាយរបស់អ្នកប្រឆាំងនឹងបាក់តេរីក្នុងពោះវៀន ដែលអាចជួយបំបាត់ក្លិបខ្លួនបាន។
៤. វីតាមីន B
ការញ៉ាំអាហារដែលមានជាតិវីតាមីន B ក៏ជាវិធីកម្ចាត់ក្លិនខ្លួនបានល្អដែរ។ អាហារប្រភេទនេះ មានដូចជា ស៊ុត សាច់ជ្រូក សាច់ត្រីជាដើម។
៥. ទឹក
មូលហេតុចម្បងដែលធ្វើឲ្យមានក្លិនមិនល្អ គឺបណ្ដាលមកពីខ្វះជាតិទឹក។ ដូចនេះ អ្នកត្រូវផឹកទឹកឲ្យបានគ្រប់គ្រាន់រៀងរាល់ថ្ងៃ។ ទឹកអាចជួយអ្នកបញ្ចេញជាតិពុលពីក្នុងខ្លួនមនុស្ស ដោយយ៉ាងហោចណាស់ អ្នកត្រូវផឹកទឹកមួយថ្ងៃយ៉ាងតិចពីរ ទៅបីលីត្រដែរ។
ប្រែសម្រួល៖ ទ្រី រ៉ាវី
ប្រភព៖ boldsky
ប្រភព៖ boldsky
0 comments:
Post a Comment