ប្រភពមកពី៖ news.sabay.com.kh
ការប្រកួតពានរង្វាន់ FA Cup វគ្គ៨ក្រុមចុងក្រោយកាលពីយប់មិញនេះក្រុមហង្សក្រហម Liverpool បានត្រឹមស្មើក្រុម Blackburn ដោយលទ្ធផល ០-០ ក្នុងដីខ្លួនឯង ហើយមានកីឡាករសំខាន់ Skrtel រងរបួសធ្ងន់ថែមទៀតដោយប្ដូរចេញត្រឹមនាទីទី១១។ លទ្ធផលស្មើនេះទៀតសោតក្រុមទាំងពីរនឹងត្រូវប្រកួតសារជាថ្មីដើម្បីយកឈ្នះចាញ់នៅខែក្រោយ ប៉ុន្តែមិនទាន់ប្រាកដថាថ្ងៃណានោះទេ អាចជាថ្ងៃទី៧ឬ៨ខែមេសា។
ការការប្រកួតចាប់ផ្ដើមភ្លាមម្ចាស់ផ្ទះហង្សក្រហមបើកការវាយសម្រុកទៅក្រុមភ្ញៀវចាស់ដៃតែម្ដង ពោលគឺអាចគ្រប់គ្រងបាល់បានរហូតដល់ទៅ៧០%ឯណោះ។ ទោះជាយ៉ាងនេះក្ដី គោលបំណងចង់ឈ្នះរបស់លោក Rodgers នៅតែមិនអាចសម្រេចបានដដែលព្រោះមានឱកាសច្រើនតែធ្វើមិនបានសម្រេចដោយស៊ុត២១ជើងតែចំគោលដៅតែ៤ដងគត់។ មួយវិញទៀត អ្វីដែលជារឿងស៊យសម្រាប់ Liverpool នោះគឺខ្សែការពារ Martin Skrtel បានរងរបួសយ៉ាងខ្លាំងបន្ទាប់ពីប៉ះគ្នាជាមួយកីឡាកររបស់ Blackburn ពោលគឺត្រូវពន្យាពេលប្រកួតដល់ទៅ៨នាទីឯណោះដើម្បីមើលស្ថានការណ៍របស់កីឡាកររូបនេះ។
ចប់ការប្រកួតអ្នកចាត់ការក្រុម Liverpool លោក Brendan Rodgers ក៏បាននិយាយដែរថា៖ “នេះជាថ្ងៃមិនល្អសោះសម្រាប់ក្រុមយើង។ យើងមានឱកាសរកគ្រាប់បាល់បានច្រើនប៉ុន្តែធ្វើមិនបានសម្រេចសោះ។ មិនត្រឹមតែប៉ុណ្ណឹង មានកីឡាកររបួសថែមទៀត។ ខ្ញុំសង្ឃឹមថាការប្រកួតជើងទី២នឹងអាចធ្វើបានល្អជាងនេះហើយយកជ័យជម្នះបាន។ ខ្ញុំចង់លើកពាននេះដើម្បីជូនដំណើរ Gerrard ចាកចេញពីក្រុមរបស់យើង”។
ប្រែសម្រួល៖ មុន្នី រម្យ
ប្រភព៖bbc
ប្រភព៖bbc
0 comments:
Post a Comment