មានប្រភពមកពី៖ news.sabay.com.kh
ថាមពលនៃក្ដីស្រលាញ់របស់ឪពុកម្ដាយពិតជាអស្ចារ្យណាស់ ព្រោះអាចផ្លាស់ប្ដូរអ្វីៗគ្រប់យ៉ាង ហើយសូម្បីតែជីវិតកូនក៏អាចទទួលបានមកវិញ។ រឿងរ៉ាវដ៏រំជួលចិត្ត និងស្ទើរមិនគួរឲ្យជឿ បានកើតឡើងលើគ្រួសារមួយនៅរដ្ឋ Queensland ប្រទេសអូស្ត្រាលី។
កូនភ្លោះមួយគូបានប្រសូតមកក្នុងផ្ទៃម្ដាយតែមួយ ប៉ុន្តែជាអកុសល ម្នាក់ក្នុងចំណោមនោះ បេះដូងឈប់ដំណើរការដែលគេគិតថាស្លាប់បាត់ទៅហើយ។ ពួកគេទាំងពីរនាក់កើតអត់គ្រប់ខែ ត្រឹមអាយុ ២៦សប្ដាហ៍ប៉ុណ្ណោះ និងកើតមុនក្រោយគ្នា ២នាទី។
ឪពុកម្ដាយមានអារម្មណ៍ក្ដុកក្ដួលយ៉ាងខ្លាំងនៅពេលឮដំណឹងថា កូនម្នាក់លែងមានដង្ហើម និងគ្មានសង្ឃឹមថារស់ឡើយ។ ក្នុងនាមជាម្ដាយដែលខំពពោះអស់ជិត ៧ខែ មានអារម្មណ៍ថាអាឡោះអាល័យជាខ្លាំង ក៏សុំពេលឱបកូនលើកចុងក្រោយ និងហៅប្ដីឲ្យឱបរួមគ្នាផងដែរ។
នៅក្នុងរង្វង់ដៃដ៏សែនកក់ក្ដៅរបស់អ្នកមានគុណ ទារិកាតូចនោះស្រាប់តែចាប់ផ្ដើមកម្រើកឡើងវិញ ឯចង្វាក់បេះដូងបែរជាមានចលនា។ បុគ្គលិកនៅមន្ទីរពេទ្យបានប្រញាប់ប្រញាល់ ត្រលប់មកជួយសង្គ្រោះក្មេងតូចដែលធ្លាប់បញ្ជាក់ថាស្លាប់នោះវិញ រហូតដល់រស់រានមានជីវិត។
៥ឆ្នាំកន្លងផុតទៅ ពេលនេះក្មេងតូចដែលរួចរស់ពីស្លាប់ដោយសារថាមពលនៃក្ដីស្រលាញ់របស់ម្ដាយឪពុក ហាក់មានសុខភាពល្អ និងរីកធំធាត់ជាក្មេងស្រីវ័យឆ្លាតម្នាក់។ យ៉ាងនេះក្ដី រូបគេមានបញ្ហាធំមួយគឺ ប្អូនប្រុសដែលមានអាយុខុសគ្នា ២នាទី តែងប្រាប់គ្រប់គ្នាថា បងស្រីគេជាមនុស្សស្លាប់ហើយ រស់ឡើងវិញ។ ពួកគេមិនមែនមានតែពីរនាក់បងប្អូនភ្លោះទេ គឺមានប្អូនប្រុសអាយុ ៤ឆ្នាំម្នាក់ទៀត បង្កើតបានជាគ្រួសារមួយដែលរស់នៅដោយភាពរីករាយ៕
0 comments:
Post a Comment