ប្រភពមកពី៖ news.sabay.com.kh
កាលពីថ្ងៃ សៅរ៍ កន្លងទៅ តារាសម្ដែង និង ជាតារាចម្រៀង កញ្ញា ញឹម ចាន់ថន បានធ្វើខួបកំណើតគម្រប់ ៣៥ ឆ្នាំ របស់ខ្លួននៅឯភោជនីយដ្ឋាន Mango Mango ខាងក្រោយស្ថានទូតរុស្សី ដោយកម្មវិធីមួយនេះ ត្រូវបានលោកថៅកែ នៃភោជនីយដ្ឋានខាងលើជាអ្នកធានារ៉ាប់រងស្ទើរតែទាំងអស់។
មូលហេតុដែលនាំឲ្យលោកថៅកែ នៃភោជនីយដ្ឋាន Mango Mango ដែលក្នុងសង្គមសិល្បៈស្គាល់យ៉ាងច្បាស់ថា ជាស្វាមីរបស់អ្នកនាង ចាន់ សុធារ័ត្ន ចេញមុខធ្វើខួបឲ្យនេះ ត្រូវបានញឹម ថាន់ថន បញ្ជាក់ប្រាប់ថា ក៏ព្រោះតែនាង គឺជា បុគ្គលិកក្នុងភោជនីយដ្ឋាននេះ។ ចាន់ថន បាននិយាយថា ពិធីខួបនេះ ថៅកែរបស់នាងជួយចេញ ប្រហែល ៧០% សល់ប៉ុន្មានខ្លួននាងត្រូវចេញដោយខ្លួនឯង។
តាមការបញ្ជាក់ពីតារាស្រីម្នាក់នេះ នាងបានចូលចម្រៀងប្រចាំនៅភោជនីយដ្ឋាន Mango Mango ជាង ៦ ខែមកហើយ ដោយភោជនីយដ្ឋានលំដាប់អន្តរជាតិមួយនេះ សម្បូរទៅដោយតារាចម្រៀងល្បីៗច្រើនណាស់មកច្រៀង។
ខួបកំណើតនេះ ញឹម ចាន់ថន បានអញ្ជើញភ្ញៀវជាង ១០០ នាក់ ដែលនៅក្នុងភាគច្រើនជាអ្នកសិល្បៈ និង អ្នកជំនួញ។ ចង់ដឹងថា មានតារាណាខ្លះចូលរួមសូមទស្សនាសកម្មភាពទាំងអស់នោះ ទាំងអស់គ្នា៕
0 comments:
Post a Comment