ប្រភពមកពី៖ news.sabay.com.kh
វីរបុរសអេស្ប៉ាញ David Villa បានបង្កើតប្រវត្តិសាស្ត្រថ្មីមួយទៀតហើយ បន្ទាប់ពីខ្សែប្រយុទ្ធរូបនេះ អាចស៊ុតបញ្ចូលទីនៅ Yankee Stadium អំឡុងពេលក្រុម New York City FC ឈ្នះ New England Revolution ២-០ ក្នុងការប្រកួតលីក MLS សប្ដាហ៍ទី២ កាលពីយប់មិញ។
កីឡាករវ័យ៣៣ឆ្នាំរូបនេះ បានស៊ុតបញ្ចូលទីនៅនាទីទី១៩ បន្ទាប់ពីលេងស៊ីចង្វាក់គ្នាយ៉ាងល្អជាមួយនឹងមិត្តរួមក្រុមរបស់គេ Ned Grabavoy ខណៈដែលគ្រាប់បាល់ទី២ រូបគេជាអ្នកជួយបញ្ជូន (Assist) ឲ្យ Mullins ស៊ុតបានសម្រេចនៅចុងម៉ោងនាទី៨៤។
អតីតខ្សែប្រយុទ្ធជម្រើសជាតិអេស្ប៉ាញ Villa បច្ចុប្បន្នស៊ុតបញ្ចូលទីក្នុងលីកបាន ២៥០គ្រាប់ហើយ ក្នុងអាជីពរបស់គេ ដែលកីឡាករឆ្នើមរូបនេះ ធ្លាប់ជា Super Star របស់ក្រុមដូចជា Atletico Madrid, Valencia និង Barcelona ផងដែរ មុននឹងផ្ទេរទៅកាន់លីក MLS របស់អាមេរិក៕
សូមទស្សនា វីដេអូ Villa ស៊ុត និង Assist កាលពីយប់មិញខាងក្រោម៖
0 comments:
Post a Comment