February 2015 ~ ពិភពពត៌មាន

Saturday, February 28, 2015

ក្រុមបិសាចក្រហម Man UTD ត្រៀមខ្លួន ទទួលយក ខ្សែបំរើ សញ្ជាតិហូឡង់ Wesley Sneijder មកកាន់ ទឹកដី Old Trafford

ប្រភពមកពី៖ khmerload.

អង់គ្លេស៖ យោងតាមប្រភពព័ត៌មាន បានឲ្យដឹងថា ក្រុមបិសាចក្រហម Manchester United របស់ប្រទេសអង់គ្លេស កំពុងត្រៀមខ្លួន ទទួលយកខ្សែបំរើ សញ្ជាតិហូឡង់ វ័យ៣០ឆ្នាំ Wesley Sneijder របស់ក្រុម Galatasaray ក្នុងតម្លៃខ្លួន ប្រហែល ១៥លានផោន ឬជាង ២២លានដុល្លារ។

កីឡាករ សញ្ជាតិហូឡង់ វ័យ៣០ឆ្នាំ Wesley Sneijder

ខ្សែបំរើសញ្ជាតិហូឡង់រូបនេះ ធ្លាប់លេចលឺ ព័ត៌មានថា នឹងចាកចេញ ទៅកាន់ ក្រុមបាល់ទាត់ Juventus របស់ប្រទេសអ៊ីតាលី ប៉ុន្តែក្រុមបាល់ទាត់ ដ៏ធំរបស់ ប្រទេសអ៊ីតាលី មួយនេះ បានបង្វែរ ចំណាប់អារម្មណ៏ ទៅលើកីឡាករ វ័យ២៦ឆ្នាំ Henrikh Mkhitaryan របស់ក្រុមបាល់ទាត់ Borussia Dortmund ទៅវិញ ទើបឥឡូវនេះ ធ្វើឲ្យក្រុមបាល់ទាត់ Manchester United មានឱកាស ទទួលយក កីឡាករ Wesley Sneijder ទៅកាន់ទឹកដី Old Trafford របស់ខ្លួន នៅក្នុងប្រទេសអង់គ្លេស។

កីឡាករ វ័យ២៦ឆ្នាំ Henrikh Mkhitaryan របស់ក្លិបបាល់ទាត់ Borussia Dortmund

យ៉ាងណាមិញ វាគឺជារឿង ដ៏សប្បាយចិត្តមួយ របស់កីឡាករ Sneijder ដែលកំពុងតែ អស់សង្ឃឹម ចង់ចាកចេញ ពីក្រុមបាល់ទាត់ Galatasaray របស់ប្រទេស Turkey ខណៈឥឡូវនេះ បានចូលរួម ជាមួយនឹង ក្រុមបាល់ទាត់ Manchester United ដែលមាន លោក Louis van Gaal ជាគ្រូបង្វឹក របស់ក្រុម Manchester United និងក្រុមជម្រើសជាតិ នៃប្រទេសហូឡង់ ផងដែរ៕

លោក Louis van Gaal គ្រូបង្វឹក ក្រុម Manchester United និងក្រុមជម្រើសជាតិ នៃប្រទេសហូឡង់

ប្រភព ៖ មេត្រូ

កែសម្រួលដោយ ៖ ប៊ី

បុរសម្នាក់គ្រាន់តែទូរស័ព្ទទៅសង្សារចូលមិនលើក តូចចិត្តចង.កសម្លាប់

By sothy 9:35 PM ព័ត៌មានជាតិ No comments

ប្រភពមកពី៖ khmerload

ខេត្តកណ្តាល ៖ បុរសម្នាក់ ខឹងសង្សាររបស់ខ្លួន ទូរស័ព្ទចូល មិនលើក បានគិតខ្លី រត់ទៅចង.ក សម្លាប់ខ្លួន បង្កឱ្យភ្ញាក់ផ្អើល កាលពីវេលា ម៉ោង០៦ និង២០នាទីព្រឹក ថ្ងៃទី២៨ កុម្ភៈ ២០១៥ នេះ ស្ថិតនៅចំណុច ដើមស្វាយ ខាងក្រោយផ្ទះ ចម្ងាយប្រហែល៦០ម៉ែត្រ ក្នុងភូមិកំពង់ពោធិ៍ ឃុំកំពង់ភ្នំ ស្រុកលើកដែក ខេត្តកណ្តាល ។

ប្រភពបានឱ្យដឹងថា ជនរងគ្រោះ ត្រូវបានស្គាល់ ឈ្មោះ សុខ ចានរី អាយុ២១ឆ្នាំ មានទីលំនៅ ក្នុងភូមិ-ឃុំ កើតហេតុខាងលើ ។

បើតាមសម្តី ម្តាយជនរងគ្រោះ ឱ្យដឹងថា នៅមុនពេលកើតហេតុ នៅវេលាម៉ោង ប្រហែល០៨ យប់ ថ្ងៃទី២៧ កុម្ភៈ កូនប្រុស របស់គាត់ ត្រឡប់មកពី ចូលរួមមង្គលការ របស់គេ ហើយឡើងអង្គុយ មើលទូូរទស្សន៍ ជាមួយគាត់ ។ មួួយសន្ទុះ ក្រោយមក បានទាញទូរស័ព្ទ ចុះមកក្រោមផ្ទះ ហើយគាត់ ក៏មិនបាន ចាប់អារម្មណ៍ដែរ ។

លុះដល់វេលាព្រឹក ថ្ងៃកើតហេតុ ខណៈរូបគាត់ ងើបពីដំណេក ដើរទៅបត់ជើង ស្រាប់តែឃើញ កូនប្រុស ឈរអោប ដើមស្វាយ ដោយនឹកស្មានថា កូូនកំពុង បត់ជើងតូច តែពេលគាត់ ក៏ដើរទៅជិត ស្រាប់តែឃើញ កូនចង.ក ស្លាប់បាត់ទៅហើយ ។ ភ្លាមៗនោះ រូបគាត់ ក៏បានរាយការណ៍ ទៅសមត្ថកិច្ច ចុះត្រួតពិនិត្យ ។

ផ្តល់សិទ្ធដោយ កោះសន្តិភាព

សម្បូរអ្នកចង់សម្លាប់ខ្លួនពេក Facebook ចេញមុខងារថ្មី ជួយលើកទឹកចិត្តដល់ពួកគេ

By sothy 9:30 PM បច្ចេសវិទ្យា No comments

ប្រភពមកពី៖ news.sabay.com.kh

Facebook បានចេញមុខងារថ្មីមួយ ដែលអាចឱ្យអ្នកប្រើប្រាស់ទាំងអស់ រាយការណ៍ដល់ខ្លួន ប្រសិនបើពួកគេបានឃើញ Status ឈឺចាប់ចង់សម្លាប់ខ្លួនរបស់បុគ្គលណាមួយនៅលើ Facebook ដើម្បីផ្ដល់ប្រឹក្សាលើកទឹកចិត្តដល់អ្នកទាំងនោះ។

business-comment_01_temp-1382010303-525fcdbf-620x348

Facebook បានសហការជាមួយអង្គការសុខភាពផ្លូវចិត្តជាច្រើនដូចជា Forefront, Now Matters Now, the National Suicide Prevention Lifeline, Save.org និងអង្គការមួយចំនួនផ្សេងទៀត ដើម្បីស្វែងរកដំណោះស្រាយមួយជួយដល់អ្នក ដែលមានបំណងចង់សម្លាប់ខ្លួន ដោយការបង្ហោះ Status ឈឺចាប់ផ្សេងៗលើ Facebook។

ដូច្នេះ នៅពេលបានឃើញ Status ឈឺចាប់របស់ជនណាម្នាក់ អ្នកអាចរាយការណ៍ទៅខាងក្រុមហ៊ុន Facebook ជាបន្ទាន់ ដោយប្រើប្រាស់មុខងារថ្មីមួយនេះ ដើម្បីផ្ដល់ប្រឹក្សាយោបល់ដល់អ្នកទាំងនោះ ចៀសឱ្យពួកគេគិតខ្លីធ្វើបាបខ្លួនឯងដោយប្រការណាមួយ។

ដោយសារវាជាដំណើរការថ្មីថ្មោង មុខងារថ្មីនេះនឹងអាចប្រើប្រាស់បាននៅអាមេរិកសិន ក្នុងអំឡុងពេលប៉ុន្មានខែខាងមុខ។ យ៉ាងណាក៏ដោយ ក្រុមហ៊ុន Facebook នឹងព្យាយាមធ្វើឱ្យអ្នកប្រើប្រាស់ទាំងអស់ទូទាំងពិភពលោក អាចប្រើប្រាស់មុខងារថ្មីនេះ ដើម្បីចូលរួមផ្ដល់ប្រឹក្សាដល់បុគ្គលដែលមានបញ្ហាផ្លូវចិត្ត។

Facebook សង្ឃឹមថា មុខងារថ្មីនឹងអាចជួយកាត់បន្ថយការប្រព្រឹត្តអំពើមិនគប្បីណាមួយ ពីសំណាក់អ្នកប្រើប្រាស់មានបញ្ហាផ្លូវចិត្ត ដែលគិតចង់ធ្វើបានខ្លួនឯង ឬឈានដល់ការសម្លាប់ខ្លួន ហើយក៏ជាការលើកទឹកចិត្តមួយដល់អ្នកដែលមិនសូវទទួលបានការស្រឡាញ់រាប់អានផងដែរ៕

អាន៖ ជក់លេង Facebook ខ្លាំងពេក អាចឱ្យអ្នកកើតចិត្តច្រណែន និងមានជំងឺផ្លូវចិត្តធ្ងន់ធ្ងរ

វិធីងាយៗ ទាំង ៥យ៉ាង អាចជួយ ដោះស្រាយ បញ្ហារន្ធញើសធំៗ នៅលើផ្ទៃមុខ របស់អ្នកបាន

By sothy 3:15 AM សម្រស់ No comments

ប្រភពមកពី៖ khmerload.com

ភាគច្រើន មនុស្សគ្រប់រូប តែងជួបបញ្ហា រន្ធញើសធំៗ នៅលើផ្ទៃមុខ ដែលវាជាហេតុ អាចធ្វើឲ្យបាត់បង់ សម្រស់មួយផ្នែកផងដែរ។ ប៉ុន្តែថ្ងៃនេះ ខ្មែរឡូត នឹងជម្រាបប្រាប់ ប្រិយមិត្ត ពីវិធីដោះស្រាយ ចំពោះបញ្ហាមួយនេះ៖

១) ស្ករសពណ៌ត្នោត៖ ស្ករស មានផ្ទុកសារធាតុម្យ៉ាង ឈ្មោះថាអាស៊ីត Glycolic។ ចំពោះអាស៊ីត glycolic នេះ គឺជាអាស៊ីត Alpha -Hydroxy ដែលវា មានតួនាទី យ៉ាងសំខាន់ ក្នុងការថែទាំ សុខភាពស្បែក។ បន្ថែមពីនេះទៅទៀត ចំពោះអាស៊ីត Glycolic នេះ វាជា គ្រឿងផ្សំមួយ ដែល ផលិតផលថ្លៃៗ មួយចំនូន នៃគ្រឿងសម្ផស្សស្បែក តែងតែបញ្ចូលវា ចូលទៅក្នុងនោះ ពីព្រោះ វាអាចជួយ កាត់បន្ថយរន្ធ ញើសធំៗ ឲ្យទៅជា តូចៗបាន។ វិធីអនុវត្ត៖ ដាក់ស្ករ ពណ៌ត្នោត មួយស្លាបព្រាបាយ និង ទឹកឃ្មុំ មួយស្លាបព្រាបាយ រួចកូរគ្រឿងផ្សំ ទាំង២នេះ ឲ្យសព្វ ហើយលាប លើមុខរបស់អ្នក ដោយប្រើម្រាមដៃ ទៅដុសខាត់ថ្នមៗ។ ទុកវាចោល រយៈពេល៥នាទី រួចលាងទឹកចេញជាការស្រេច។

២) ម៉្សៅ Fuller’s Earth ៖ ម៉្សៅ Fuller’s Earth នេះ ជាផលិតផលធម្មជាតិមួយ ដែលអាច ជួយពន្លិចរន្ធញើស នៅលើមុខ ឲ្យទៅជា តូចបាន។ មិនតែប៉ុណ្ណោះ វាជួយទៅបន្សាបជាតិពុល នៅក្នុងកោសិកាស្បែក និងជួយលាងសម្អាត រន្ធញើសក្នុងស្បែក បានយ៉ាងល្អ ទៀតផង។វិធីអនុវត្ត៖ ដាក់ម៉្សៅ Fuller’s Earth មួយស្លាបព្រាបាយ ចាក់ទឹកផ្កាកុលាប មួយស្លាបព្រាបាយដែរ និងចាក់ទឹកឃ្មុំ កន្លះស្លាបព្រាបាយ។ កូរឲ្យសព្វ ហើយលាបលើមុខរបស់អ្នក ទុកវារហូតដល់ស្ងួត ខ្លួនឯង ចាំលាងទឹកចេញ។

៣) ល្ហុង៖ ដូចអ្នកបានដឹង ស្រាប់ហើយថា ល្ហុងជា ផ្លែឈើមួយ មានជាតិវីតាមីនA ហើយវាដើរតួនាទី យ៉ាងសំខាន់ ក្នុងការជួយលើបញ្ហា ស្បែកមុខ របស់អ្នក បានមួយចំនួន ជាពិសេសគឺបញ្ហា រន្ធញើសធំតែម្តង។ វិធីអនុវត្ត៖ យកផ្លែល្ហុងទុំស្រស់មួយ មកចិតសំបក រួចយកតែសាច់ ខាងក្នុង បន្ទាប់មក លាយជាមួយ អំបិលសមុទ្រ រួចកូរចូលគ្នាឲ្យសព្វ បន្ទាប់មក យកមក ដុសខាត់នៅលើផ្ទៃមុខ។ ចុងក្រោយអ្នកទុកវាចោល រហូតដល់ស្ងួត ចាំលាង សម្អាតជាមួយទឹក ជាការស្រេច។

៤) ទឹកខ្មេះផ្សំ ពីផ្លែប៉ោម៖ ទឹកខ្មេះដែលផ្សំ ពីផ្លែប៉ោម នេះអាចជួយ លើបញ្ហារន្ធញើស ដែលមានទំហំធំបាន នៅលើស្បែកមុខ។ វិធីអនុវត្ត៖ ចាក់ទឹកខ្មេះប៉ោម មួយស្លាបព្រាបាយ រួចលាបលើមុខ របស់អ្នកឲ្យសព្វ ហើយទុកវាចោល ប្រមាណ ២ទៅ៣នាទី រួចចាំលាងចេញទឹកចេញ។

៥) ទឹកក្រូចច្របាច់៖ ទឹកក្រូច មិនត្រឹមតែ ផ្តល់នូវ រសជាតិដ៏ឈ្ងុយឆ្ងាញ់ នៅពេល អ្នកពិសានោះទេ ប៉ុន្តែវា ក៏បានជួយអ្នក លើបញ្ហារន្ធញើស នៅលើ ផ្ទៃមុខរបស់អ្នក។ ជាពិសេសនោះ វាជួយឲ្យស្បែក របស់អ្នក មានភាពក្មេងជាងវ័យ ថែមទៀតផង។ វិធីអនុវត្ត៖ ចាក់ទឹកក្រូចស្រស់ ដែលអ្នក ទើបច្របាច់រួច ចូលក្នុងចានគោម បន្ទាប់មកលាបលើមុខ បន្ទាប់មក ទុកចោលប្រមាណ២ ទៅ៣នាទី ចុងក្រោយយក កន្សែងសើមស្អាត មកជូតមុខរបស់អ្នក ដោយថ្នមៗ។

ទាំងនេះ ជាវិធីដោះស្រាយ នៃបញ្ហារន្ធញើសធំៗ នៅលើមុខរបស់អ្នក៕

ប្រភព diyhealthremedy

ដោយ៖ កា

វិធីងាយៗទាំង៥យ៉ាង ជួយ ឲ្យសក់ របស់អ្នក ត្រង់ស្អាត ដោយមិន ចាំបាច់អ៊ុត រឺគៀប

By sothy 3:12 AM សម្រស់ No comments

ជាការពិត សក់ជាផ្នែកមួយ ដ៏សំខាន់ ដែលអាចជួយលើកសម្រស់របស់អ្នក បានមួយកម្រិត។ ប៉ុន្តែបើ សក់របស់អ្នករួញ មិនស្អាតនោះ វាក៏ជា បញ្ហាមួយ សម្រាប់អ្នកផងដែរ។ ថ្ងៃនេះប្រិយមិត្ត នឹងបានជ្រាបពី វិធីល្អមួយចំនួន ក្នុងការជួយ ឲ្យសក់របស់អ្នក ត្រង់ស្អាត ដោយមិនចាំបាច់ ប្រើឧបករណ៍ រឺក៏ផលិតផល គីមីផ្សេងៗ៖

១) ប្រេងអួលីវ និងស៊ុត៖ ចំពោះមនុស្សខ្លះ អាចចាញ់នឹងក្លិន ស៊ុត ដូច្នេះអ្នកអាចយក តែស៊ុតពណ៌ស រឺ ក៏ពណ៌ លឿងបាន អាស្រ័យតាម ចំណង់ចំណូល ចិត្តរបស់អ្នក។ វិធីអនុវត្ត៖ យកស៊ុត និងប្រេងអូលីវ ច្របល់ចូលគ្នា បន្ទាប់មក យកមកលាបសក់ ហើយទុករយៈពេល២ ទៅ៣ ម៉ោង។ ចុងក្រោយលាងទឹកស្អាត ជាការស្រេច។ បន្ថែមពី

ប្រភពមកពី៖ khmerload.com

នេះ អ្នកអាចអនុវត្ត វិធីនេះ យ៉ាងតិច២ដង ក្នុង១សប្តាហ៍ អ្នកនឹងទទួល លទ្ធផលល្អ ដែលផ្លាស់ប្តូរសក់របស់អ្នក ទៅជាត្រង់ និងទន់រលោង ថែមទៀតផង។

២) ស៊ុត និង ម្សៅអង្ករ៖ ចំពោះ ម្សៅអង្ករ អ្នកអាចទិញ ម្សៅ អង្ករ ពីផ្សារ រឺក៏អ្នកកិន ដោយខ្លួនឯងនៅផ្ទះ ក៏បាន។ វិធីអនុវត្ត៖ អ្នកយក ម្សៅអង្ករ លាយ ជាមួយស៊ុត បន្ទាប់មក លាបលើសក់ និងផ្អាប់ ទុកចោល ២ ទៅ៣ម៉ោង ចុងក្រោយលាង ជាមួយទឹកក្តៅឧណ្ឌៗ ។ ជាពិសេសនោះ អ្នកអាច ប្រើប្រាស់ សាប៊ូដែល មានក្លិនស្រាលៗ ប្រសិនបើអ្នក មិនចង់ ឲ្យជាប់កាកសំណល់ជាប់សក់។

៣) ចេក និងទឹកដោះគោជូរ៖ ជាការពិត ផ្លែចេក មានអត្ថប្រយោជន៍ជាច្រើន ក្នុងការជួយលើរាងកាយ និងសម្រស់របស់អ្នក ហើយមិនតែប៉ុណ្ណោះ វាក៏អាច ជួយលើសក់របស់អ្នក ឲ្យត្រង់ស្អាត បានផងដែរ។ វិធីអនុវត្ត៖ យកផ្លែចេក កិនឲ្យម៉ត់ រួចដាក់ ទឹកដោះគោជូរចូល ហើយអ្នក ក៏អាចលាយ ជាមួយ នឹងក្រូចឆ្មារ និងទឹកឃ្មុំបានផងដែរ។ បន្ទាប់មក លាបលើសក់ឲ្យសព្វ រួចផ្អាប់ទុក រយៈពេល២ទៅ ៣ ម៉ោង ហើយលាងទឹកចេញ។

៤) ប្រទាលកន្ទុយក្រពើ និង ប្រេងរុក្ខជាតិ៖ ចំពោះប្រទាល កន្ទុយក្រពើ គឺយកតែជេលទន់ ខាងក្នុង និងលាយជាមួយ នឹងប្រេងរុក្ខជាតិ ប៉ុន្តែអ្នក ត្រូវកម្តៅសិន មុននឹងដាក់ លាយបញ្ចូលគ្នា។ រីឯប្រេង រុក្ខជាតិ អាចជាប្រេងដូង រឺក៏ប្រេងអូលីវ ក៏បាន។ បន្ថែមពីនេះទៅនេះ ប្រទាល កន្ទុយក្រពើ ជួយឲ្យសក់របស់អ្នក ត្រង់ស្អាត និងប្រេង គឺជួយបន្ទន់សក់ របស់អ្នកបាន យ៉ាងល្អ។

៥) ជី៖ ប្រហែលជាអ្នក មិនចាប់អារម្មណ៍នោះទេ ថាជី នៅក្នុងផ្ទះបាយ របស់អ្នកអាចធ្វើ ជាថ្នាំព្យាបាល សក់របស់អ្នក ឲ្យត្រង់ ស្អាតបាន។ វិធីអនុវត្ត៖ យកជី ទៅកិនឲ្យម៉ត់ រួចយកទឹក មកលាបលើសក់ បន្ទាប់មកទុក ចោលរយៈពេល២ ទៅ ៣ ម៉ោង រួចលាងទឹកចេញ ជាការស្រេច។

ក្នុងចំណោម វិធីទាំងនេះ អ្នកអាចជ្រើសយក វិធីមួយ មកអនុវត្ត ដើម្បីអាចជូយ ឲ្យសក់របស់អ្នក ត្រង់ស្អាតបាន៕

ប្រភព magforwomen

ដោយ៖ កា

រូបថតប៉ុន្មានសន្លឹក របស់ Dara ថតនៅប្រទេសសឹង្ហបុរី មើលហើយ ចង់លង់ស្រឡាញ់

By sothy 3:09 AM តារា No comments

ប្រភពមកពី៖ khmerload.com

សឹង្ហបុរី៖ កាលពីថ្មីៗនេះ ស្រីស្អាតSandara Park សមាជិកក្រុមចម្រៀង 2ne1 បានថតម៉ូដែល ឲ្យទស្សនាវដ្តី Singles។

តារាចម្រៀងវ័យ៣០ឆ្នាំរូបនេះ បានបង្ហាញម៉ូត ជាមួយនឹងឈុតសម្លៀកបំពាក់ទាន់សម័យ និង អមជាមួយនឹងកាច់ស្ទាយថត ឡូយទៀតនោះ កាន់តែធ្វើឲ្យរូបថតរបស់នាង និមួយៗពោរពេញ ទៅដោយ ភាពអស្ចារ្យបំផុត។ បន្ថែមពីនេះទៅទៀត ទោះបីជានាងមានវ័យជ្រេបន្តិច ក៏ដោយ ប៉ុន្តែសម្រស់ របស់នាង នៅតែក្មេងជាងវ័យ គ្មានស្នាមជ្រីវជ្រួញ ភ្លឺថ្លាដដែល។ គួរបញ្ជាក់ផងដែរថា ចំពោះទស្សនាវដ្តី Singlesនេះ គឺបានចេញ ទៅថតទៅដល់ ប្រទេសសឹង្ហបុរី សម្រាប់ចេញផ្សាយ ក្នុងខែមីនា ផងដែរ៕

តោះក្រឡេកមើលរូបថត របស់នាងទាំងអស់គ្នា ថាពិតជាស្រស់ស្អាតកម្រិតណា៖

Dara សមាជិកក្រុមចម្រៀង 2ne1

ប្រភព Koreaboo
ដោយ៖ កា

គង់ សុជាតិកញ្ជ្រោលចង់បានកូន ឆាប់ៗនេះជាមួយលោកជា វិបុល

By sothy 3:04 AM តារា No comments

ប្រភពមកពី៖ khmerload.com

រាជធានីភ្នំពេញ៖ ក្រោយពីរៀបមង្គលការជាមួយលោកជា វិបុល កាលពីថ្ងៃទី៩ វិច្ឆិកា ឆ្នាំ២០១៣ មក អ្នក នាងគង់ សុជាតិ នៅឆ្នាំ២០១៥ នេះ ប្រាថ្នាចង់បានកូន ឆាប់ៗ ។

អ្នកនាងគង់ សុជាតិ តាំងពីរៀបការលើកទី២មក មិនទាន់មានតម្រុយមានកូនទេធ្វើឲ្យមានពាក្យលេចឮ ថាស្នេហាថ្មីនេះ ទំនងមិនគង់វង្ស យូរតទៅទៀតទេ ។ ប៉ុន្តែរវាងអ្នកនាងគង់ សុជាតិ និងលោកជា វិបុល ជាស្វាមីមិនដែល មានបញ្ហាល្អក់កករ ណាមួយមើលមុខគ្នា មិនចំ ឡើយ នៅតែក្រសោប ក្តីសុខ សុភមង្គល ។ អ្នកនាងគង់ សុជាតិ តែងតែត្រូវ សារព័ត៌មានលើក និយាយពីរឿងគ្មានកូន ជាមួយលោកវិបុល ខណៈតារាស្រី មួយចំនួនរៀបការ ក្រោយកំពុងតែពពោះ។ ម្ល៉ោះហើយទើបធ្វើឲ្យ អ្នកនាងគង់ សុជាតិ ពេលខ្លះខ្ជិល បកស្រាយរឿង មិន ទាន់ មានកូន និងនិយាយការពារ ភាពល្អប្រសើរពី ជីវិតប្តីប្រពន្ធ របស់ខ្លួន ខណៈពេលដែល មានគេចោទសួរម្តង ហើយម្តងទៀត ។

ដោយប្រាថ្នាចង់បានកូនខ្លាំងមែនទែនហើយនោះទើបអ្នកនាងគង់ សុជាតិ និយាយកាលពីពេល ថ្មីៗ នេះថា «នៅឆ្នាំនេះខ្ញុំដូចជា ចង់បាន កូនខ្លាំងណាស់ ដើម្បីបានចំណងដៃ និងជាកាដូលាភថ្មី មួយនៅក្នុងរង្វង់គ្រួសារប្តី ប្រពន្ធយើងដែល រៀបការយូរខែ ហើយមិនទាន់មានកូន ។ ឆ្នាំនេះបើទេវតាជួយ ឲ្យមានកូនលឿនគឺពិត ជាទទួលយក ព្រោះឆ្នាំមមែមាស ជាឆ្នាំល្អបំផុត ។ បើសម្រេចផែនការនេះ មែនពិតជា សប្បាយចិត្តទាំងប្តី ទាំងប្រពន្ធមិន ស្ទើរទេ ដើម្បីបន្សាបរឿងគេថា ការយូរហើយអត់កូន ខ្ជិលឲ្យគេសួរនាំច្រើន។ មិនចង់អត់មាន ដំណឹង ល្អនៃផែនការ មានកូននេះទេ ព្រោះយើងជាអ្នកសិល្បៈ មានគេស្គាល់ច្រើនពិត ជាមានការលេចឮពីនេះពី នោះមិនចេះចប់» ។

ពិធីការិនីកាន់តែចាស់កាន់តែខ្លឹម គង់ សុជាតិ និយាយថា «ដូចដឹងហើយយើងទាំងពីរនាក់រវល់ពេកអត់ សូវមានពេលទំនេរសម្រាប់ សម្រាក មើលថែទាំ ពពោះបានយូរ ។ ការងារចេះតែ មានអ្នកហៅ ណាមួយសប្បាយចិត្ត ដែលយើងការហើយ នៅតែមានទីផ្សារ ទាំង២នាក់ប្តី ប្រពន្ធ មានបងប្អូនអញ្ជើញ ហៅបំពេញការងារ ទើបចេះតែស្រវេស្រវា ទៅទាន់ឱកាសហុចឲ្យ ទើបរំលងខែឆ្នាំ យូរទៅៗអត់បានពពោះ ។ ខ្ញុំដូចជាចង់បាន កូនខ្លាំងណាស់ ឆ្នាំនេះ ព្រោះថាឆ្នាំល្អ បើមានពិតជាទុក មិនពន្យារពេលនោះទេ ។ បើមានមែននៅតែបំពេញ ការងារ សិល្បៈដូចតារា ផ្សេងមិនឈប់នោះទេ ធ្វើការទាំងពពោះ ក៏ព្រមដែរ» ។

អ្នកនាងគង់ សុជាតិ សរសើរស្វាមីរបស់នាងដែលគិតតែខំធ្វើការ ព្រោះគិតថាស្រវារកប្រាក់សិនបើមាន កូននោះកាន់តែ មានបន្ទុកថ្មី ចំណាយ ច្រើន ទើបប្រឹងទាំងប្តីទាំងប្រពន្ធ ។

មកទល់ពេលនេះអ្នកនាងគង់ សុជាតិ នៅតែក្តាប់ឱកាសធ្វើជាពិធីការិនី ទោះបីមានអ្នកថ្មីច្រើនក្តី ។ អ្នក នាងគង់ សុជាតិ កាន់តែលេចធ្លោ តាមរយៈកម្មវិធី «ពេញចិត្តឬអត់ ? «អូឡាឡា» របស់ទូរទស្សន៍ ម៉ាយធីវី និងកម្មវិធីរក្សាសម្រស់ នៅទូរទស្សន៍ប៉ុស្តិ៍លេខ៣ ដែលជាកម្មវិធី ពេញនិយមមួយ សម្រាប់ស្ត្រីចង់រៀន ជំនាញធ្វើសក់ និងផាត់មុខនៅ ហាងគង់ សុជាតិ របស់នាងផ្ទាល់។ ចំណែកលោក ជា វិបុល ជាស្វាមី លេចធ្លោនៅ ស្ថានីយទូរទស្សន៍ហង្សមាស។ ទោះជាធ្វើការនៅ ទូរទស្សន៍ផ្សេងគ្នា ប៉ុន្តែអ្នកទាំងពីរ តែងតែចាប់ដៃគូគ្នា ចូលរួមធ្វើជា ពិធីករ ក្នុង កម្មវិធីអាពាហ៍ពិពាហ៍ ខួបកំណើត សម្ពោធក្រុមហ៊ុន និងតាមហាង ធំៗជាច្រើនទៀត ៕

ផ្តល់សិទ្ធដោយ កោះសន្តិភាព

ពៅ បញ្ញាពេជ្រ ធ្លាក់ខ្លួន ពិការ៨ឆ្នាំ រៀបរាប់ ទុក្ខសោក ប្រាប់មហាជន ជាថ្មី

By sothy 2:26 AM តារា No comments

ប្រភពមកពី៖ khmerload.com
ភ្នំពេញ៖ អតីតតារាចម្រៀង និយមតុបតែងខ្លួន ស្រគត់ស្រគំ កញ្ញា ពៅ បញ្ញាពេជ្រ នៅពេលថ្មីៗនេះ បានរំលេចឃ្លីប វីដេអូមួយ បង្ហាញដល់ ទស្សនិកជន រៀបរាប់ពីទុក្ខសោក ដែលនាងធ្លាក់ ខ្លួនពិការភាព ប្រមាណជិត ១០ឆ្នាំមកនេះ ។

នៅក្នុងឃ្លីបវីដេអូ ប្រមាណជិត៨នាទី ដែលអតីត តារាស្រីរូបស្រស់ សំឡេងផ្អែម ស្រទន់កញ្ញា ពៅ បញ្ញាពេជ្រ បានបង្ហោះនោះ នាងបានរៀប រាប់ឲ្យដឹងថា នាងជួបគ្រោះថ្នាក់ ត្រូវគេបាញ់ នៅថ្ងៃទី២៣ ខែកុម្ភៈ ឆ្នាំ២០០៧ ហើយគិត រហូតមកដល់ ថ្ងៃទី២៣ ខែកុម្ភៈ ឆ្នាំ២០១៥នេះ គឺមានរយៈពេល ៨ឆ្នាំហើយ ដែលនាងធ្លាក់ខ្លួន ពិការដើរមិនរួច នៅតែមួយកន្លែង ។

ចង់ដឹងថា នៅក្នុងឃ្លីបវីដេអូ ដែលតារាចម្រៀង កញ្ញា ពៅ បញ្ញាពេជ្រ បង្ហោះនោះ នាងបានរៀបរាប់ ពីសុខទុក្ខអ្វីខ្លះ ហើយស្ថានភាពជំងឺ ផ្នែកខួរឆ្អឹងខ្នង របស់នាង បានធូរស្រាល យ៉ាងណានោះ មានតែទៅ ទស្សនាជាមួយ Looking TODAY ទាំងអស់គ្នា៖

ទឹម រដ្ឋា ផ្ញើសារភ្លាមៗ ផ្ដាំទៅអតីតគូស្នេហ៍ ក្រោយជួបគ្រោះ

By sothy 2:22 AM តារា No comments

ប្រភពមកពី៖ news.sabay.com.kh/

តារាសម្ដែង និងដើរម៉ូដ ទឹម រដ្ឋា បានផ្ញើសារភ្លាមៗទៅកាន់អតីតគូស្នេហ៍ Zarckie ក្រោយបុរសជនជាតិប៉ាគីស្ថានរូបនេះ បានជួបគ្រោះថ្នាក់ចរាចរណ៍ ដោយបើករថយន្តប្រដេញគ្នាហើយក្រឡាប់កាលពីដើមកុម្ភៈកន្លងទៅនៅក្បែររង្វង់មូលវត្តសំពៅមាស។

“សូមយើង(Zarckie) ធ្វើអ្វីឲ្យប្រយ័ត្នប្រយែង ព្រោះយើងទាំងពីរមានឈ្មោះជាប់គ្នា បើទោះពួកយើងបានបែកគ្នាហើយក៏ដោយ។ ដូច្នេះបើយើងមានរឿងអី គឺគេនិយាយថា អតីតសង្សារទឹម រដ្ឋា…អតីតសង្សារទឹម រដ្ឋា អីចឹងធ្វើអ្វីឲ្យចេះប្រយ័ត្នផង!”។ នេះជាសារ ទឹម រដ្ឋា ផ្ញើទៅ Zarckie តែប៉ុន្មានម៉ោងប៉ុណ្ណោះ ដែលអតីតគូស្នេហ៍រូបនេះ ជួបគ្រោះថ្នាក់។

យ៉ាងណាក៏ដោយ មួយផ្នែកទៀតក៏ជាការសាកសួរសុខទុក្ខដែរ។ តារាសម្ដែងកម្ពស់បានរូបនេះ ប្រាប់ថា “ម្ដាយខ្ញុំគាត់ជំរុញឲ្យសួរសុខទុក្ខគ្នាទៅ បើទោះបែកគ្នាក៏ដោយ ព្រោះខ្មែរយើងតែប៉ុណ្ណឹង ជួយឈឺឆ្អាលសួរសុខទុក្ខគ្នាក្នុងគ្រាមានអាសន្ន ហើយខ្ញុំក៏ផ្ញើសារសាកសួរថា ម៉េចហើយ មានត្រូវកន្លែងណាខ្លះអត់ អីចឹងណាបង ហើយគេក៏ឆ្លើយថា អត់ទេ…!”។

រដ្ឋា បន្តថា Zarckie បានផ្ញើសារតបមកវិញ ថារូបគេសប្បាយចិត្តណាស់ ព្រោះនឹកមិនដល់ថា នាងឈឺឆ្អាលនឹងរូបគេដែលមានអាសន្ននេះទេ។ ប៉ុន្តែ បុរសសាច់ដុំធំរូបនេះ មិនបានយកឱកាសនោះ ឆ្លៀតសុំជានានឹងគ្នាវិញទេ ព្រោះបើតាម រដ្ឋា គឺបុរសបរទេសរូបនេះ ធ្លាប់ព្យាយាមសុំចាប់ផ្ដើមជាថ្មីម្ដងជាពីរដងរួចមកហើយ តែមិនបានសម្រេច។

ទឹម រដ្ឋា និង Zarckie បានជួបស្គាល់ និងរាប់អានគ្នា អស់រយៈពេល ៤ឆ្នាំកន្លះ មុនពេលទទួលយកគ្នាធ្វើជាសង្សារ ដោយ រដ្ឋា បានប្រកាសជាសាធារណៈកាលពីចុងឆ្នាំ ២០១៤។ ប៉ុន្តែទើបតែចូលដល់ដើមឆ្នាំ ២០១៥ ប៉ុណ្ណោះ តារាស្រីវ័យ ២៩ឆ្នាំរូបនេះ ប្រកាសពីការបែកគ្នាវិញ។ ចំពោះមូលហេតុ អតីតអ្នកលក់បង្អែមរូបនេះ ប្រាប់ថា ដោយសារអតីតគូស្នេហ៍ប្រចណ្ឌខ្លាំងពេក។

“ដំបូងមិនអីទេ តែយូរៗទៅ គាត់កាន់តែប្រចណ្ឌ ការងារខ្លះគាត់សុំមិនឲ្យទៅ ខ្ញុំក៏តាម ព្រោះតែស្រឡាញ់។ ខ្ញុំបានបាត់បង់ការងារច្រើនណាស់ អំឡុងពេលទាក់ទងជាមួយគាត់ ការងារខ្លះចុះកុងត្រាជាមួយគេហើយ តែមុនចុះខ្ញុំសួរគាត់ថា ម៉េចដែរការងារហ្នឹង! គាត់ថាមិនអីទេ ខ្ញុំក៏ចុះកុងត្រា តែដល់ពេល…គាត់អត់ឲ្យទៅ គាត់ធ្វើតាមតែចិត្តគាត់ អត់គិតពីយើងណាបង ហើយគាត់ចង់បិទផ្លូវយើងទាំងអស់តែម្ដង អីចឹងមានអី…មានតែបែកគ្នា!”។

មួយខែដំបូង ក្រោយបែកគ្នា ទឹម រដ្ឋា ប្រាប់ថា នាងពិបាកធ្វើចិត្តមែនទែន ចេះតែនឹកឃើញអនុស្សាវរីយ៍។ ដូច្នេះ នាងតាំងធ្វើឲ្យខ្លួនរវល់ជាមួយការងារស្ទើរគ្មានពេលសម្រាក។ ” ខ្ញុំចាប់ផ្ដើមទទួលការងារកាន់តែច្រើន មិនថាដើរម៉ូដ ច្រៀងដែលខ្ញុំអត់សូវចូលចិត្តសោះក៏ខ្ញុំទទួល…មានអីបង ដល់រវល់ពេក អត់ពេលគិតរឿងផ្សេង យូរៗទៅក៏លែងអី”។

យ៉ាងណា រដ្ឋា ប្រាប់ថា អតីតគូស្នេហ៍ធ្លាប់បានកាន់បាច់ផ្កាមកក្រាបសំពះនាង និងឪពុកម្ដាយ សុំជានានឹងគ្នាវិញ ប៉ុន្តែនាងមិនអាចលើកលែងបាន ព្រោះរឿងច្រំដែលៗពេក។ នាង បញ្ជាក់ថា អ្វីៗមិនអាចបកក្រោយឡើយ៕

អស់កង្វល់! របៀបដាក់សោរ Facebook ដើម្បីធានា សុវត្ថិភាព គ្មានអ្នកឆែកមើល!

By sothy 2:14 AM បច្ចេសវិទ្យា No comments

ប្រភពមកពី៖khmerload.com

តើប្រិយមិត្ត កំពុងតែប្រើប្រាស់ កម្មវិធី Facebook នៅលើទូរស័ព្ទស្មាតហ្វូន របស់ខ្លួន មែនដែររឺទេ? តើប្រិយមិត្តតែងតែព្រួញបារម្ភ ព័ត៌មាន និងសកម្មភាពផ្សេងៗ នៅក្នុងហ្វេសប៊ុក ត្រូវបានទម្លាយ ជាសាធារណៈ ដែររឺទេ? ឈប់បារម្ភ! របៀបដាក់សោរ Facebook ងាយៗ និងសាមញ្ញ នឹង ទម្លាយនៅពេលនេះ ប៉ុន្តែតម្រូវឲ្យ ទូរស័ព្ទស្មាតហ្វូន របស់ប្រិយមិត្ត ធ្វើការ Jailbreak ជាមុនសិន។

ជំហានទីមួយ៖ ចូលទៅកាន់កម្មវិធី Cydia រួចស្វែងរកកម្មវិធី ដែលមានឈ្មោះថា Facebook ++

ជំហានទីពីរ៖ ធ្វើការ Install ដោយចុច Confirm ហើយនៅពេលរួចរាល់ សូមធ្វើការ Restart SpringBoard

ជំហានទីបី៖ ចូលទៅកាន់កម្មវិធី Facebook រួចចុចយកពាក្យ FB++ Setting និងចុចយកពាក្យ Set Passcode ជាការស្រេច!

គួរបញ្ជាក់ផងដែរថា នេះគ្រាន់តែជាចំណេះដឹងបន្តិចបន្តួច ដែលខ្មែរឡូតយកមកចែកចាយ ដោយក្រុមការងារផ្ទាល់ ក៏បានសាកល្បង ឃើញថាបានជោគជ័យ និងមានប្រសិទ្ធិភាពដែរ ប៉ុន្តែមិនអាចធានាថា នឹងជោគជ័យទាំងស្រុង រឺក៏អាចមានបញ្ហា ចំពោះស្មាតហ្វូត របស់ប្រិយមិត្ត ដទៃនោះទេ៕

នៅចាំអ្វីទៀត! តោះសាកល្បងទាំងអស់គ្នា!

ដោយ RoMeo

ជើងខ្លាំងហ្វីលីពីនប្រាប់ Sabay ជុំវិញការប៉ះ ចាន់ រតនា ក្នុងទ្រុងខែមីនា

By sothy 2:05 AM កីឡា No comments

ប្រភពមកពី៖ http://news.sabay.com.kh/

ទោះជាមិនសូវល្បីឈ្មោះទៅកាន់ក្រៅប្រទេស ក៏ជើងខ្លាំងហ្វីលីពីន Roman Gonzalez ជាម្ចាស់ខ្សែក្រវាត់ខ្មៅ Kyokoshin និងធ្លាប់ប្រកួតក្នុងទ្រុងនៅហ្វីលីពីន១៣ឈ្នះទាំងអស់។ រូបគេត្រូវប្រឈមនឹងអ្នកលេងល្បុក្កតោខ្មែរ ចាន់ រតនាក្នុងព្រឹត្តិការណ៍ ONE Championship: Age of Champions នាថ្ងៃសុក្រ ទី១៣ ខែ មិនា ឆ្នាំ២០១៥ខាងមុខនៅប្រទេសម៉ាឡេស៊ី និងផ្សាយបន្តផ្ទាល់ដោយទូរទស្សន៍ MYTV។

ចាន់ រតនា (ខៀវ) ប្រកួតនឹង សំអាង ឌុន កាលពីថ្ងៃទី១២ ខែកញ្ញា ឆ្នាំ២០១៤

Sabay ៖ តើលោកអាចប្រាប់ពីប្រវត្តិខ្លះៗរបស់លោកពាក់ព័ន្ធនឹងអាជីពប្រដាល់បានទេ?
Roman ៖ ខ្ញុំជាម្ចាស់ខ្សែក្រវាត់ខ្មៅ Kyokoshin របស់ជប៉ុន។ ខ្ញុំបានហាត់ការ៉ាតេតាំងពីអាយុ១៤មកម្ល៉េះ ហើយបានក្លាយជាជើងឯកថ្នាក់ជាតិក្នុងប្រភេទកីឡានេះ។ បន្ទាប់មកខ្ញុំបានចាប់ផ្ដើមហ្វឹកហាត់MMA លើកដំបូងក្នុងឆ្នាំ២០០៩ តែខ្ញុំឈប់សម្រាកមួយរយៈ ហើយក៏បន្តក្នុងឆ្នាំ២០១៤។ ការប្រកួត MMA ស្ម័គ្រចិត្តកន្លងមក៨ដង ខ្ញុំឈ្នះទាំងអស់គឺអត់ដែលចាញ់ទេ។

Sabay ៖ លោកអាចបង្ហាញពីទិដ្ឋភាពកីឡាគុនចម្រុះ (MMA)ខ្លះនៅក្នុងប្រទេសហ្វីលីពីនបានទេ?
Roman ៖ បាទ ក្បាច់គុនចម្រុះនៅហ្វីលីពីន ពិតជាល្បីល្បាញខ្លាំង។ ប្រជាជន ហ្វីលីពីន ស្រលាញ់ MMA ហើយចាត់ទុកវាជាកីឡាពិសេសមួយ ពីព្រោះជាក្បាច់គុនដែលអាចឲ្យយើងរួមបញ្ចូលក្បាច់គុនគ្រប់ប្រភេទ។ ជាពិសេសពេលព្រឹត្តិការណ៍ ONE Championship ចូលមករៀបចំនៅហ្វីលីពីន ធ្វើឲ្យប្រទេសយើងកាន់តែចាប់អារម្មណ៍ និងគាំទ្រខ្លាំងឡើង។

Sabay ៖ ខាងមុខនេះលោកគ្រោងនឹងប្រកួតជាមួយកីឡាករខ្មែរ តើលោកមានដឹងក្បាច់គុនខ្មែរ ឬក៏ MMAនៅកម្ពុជាខ្លះទេ?
Roman ៖ ខ្ញុំអត់ដឹងអីច្រើនពីគុនខ្មែរទេ វាជាសិល្បៈនៃការតស៊ូតាមបែបប្រពៃណីក្នុងប្រទេសកម្ពុជា វាស្រដៀងនឹងMuaythai ដែរ ហើយវាជាប្រភេទកីឡាឈរវ៉ៃ មិនដូច MMAទេ។ ខ្ញុំដឹងថា ប្រទេសកម្ពុជាមានកីឡាករប្រដាល់ក្នុងទ្រុងច្រើន និងល្អ ៗ ព្រោះពូកគេប្រឹងប្រែងហ្វឹកហាត់ដែរ។

Sabay ៖ និយាយពីដៃគូរបស់លោកគឺកីឡាករ ចាន់ រតនា តើលោកយល់ឃើញយ៉ាងណាដែរ?
Roman ៖ ខ្ញុំបានកត់សំគាល់ឃើញថា ចាន់ រតនា ជាអ្នកប្រយុទ្ធម្នាក់ដែលទៀងទាត់ ហើយមានទម្រង់ប្រកួតល្អកាលប្រកួត ONE Championship កន្លងមក។ គាត់បានធ្វើឲ្យខ្ញុំមានការត្រៀមខ្លួនខ្ពស់មួយ ហើយខ្ញុំកំពុងចង់ជួបគាត់ខ្លាំងមែនទែន ពិសេសខ្ញុំនឹងតាំងចិត្តធ្វើឲ្យបានល្អបំផុតតាមដែលអាចធ្វើទៅបាន។

Sabay ៖ តើលោកមានសង្ឃឹមទេក្នុងការតទល់ជាមួយអ្នកប្រដាល់កម្ពុជារូបនេះ?
Roman ៖ អ្វីក៏អាចកើតឡើងបានដែរក្នុងការប្រកួត MMA នោះ ដូចនេះវាពិបាកនិយាយណាស់។ ខ្ញុំមានយុទ្ធសាស្ត្ររបស់ខ្ញុំ តែលើកនេះអាចប្រែប្រួល ខ្ញុំចង់ឲ្យអ្នកគាំទ្ររង់ចាំតាមដានការប្រកួតដោយខ្លួនឯងថានឹងមានអ្វីខ្លះកើតឡើង៕

អត្ថបទ៖ ស្រី សុវណ្ណដារ៉ា

គួរដឹង! ចូលចិត្ត គេងយូរ នៅថ្ងៃចុងសប្តាហ៍ អាចធ្វើឲ្យអ្នក ឆាប់ស្លាប់បាន

By sothy 1:59 AM សុខភាព No comments

ប្រភពមកពី៖ khmerload.com

អង់គ្លេស៖ វាជារឿង ជាក់ស្តែងមួយ ដែលមនុស្សភាគច្រើន ចូលចិត្តថ្ងៃ ចុងសប្តាហ៍ ដែលជាពេលសម្រាក និងលំហែខួរក្បាល ពីការងារ ឬ ការសិក្សា ហើយម្យ៉ាងទៀត យើងក៏អាចគេង បានយូរផងដែរ។ តែអ្នកមានដឹង ទេថាទម្លាប់ គេងយូរនៅថ្ងៃ ចុងសប្តាហ៍នេះ បានបំផ្លាញសុខភាព របស់អ្នក ធ្ងន់ធ្ងរយ៉ាងណា?

យោងតាមប្រភព របាយការណ៍ របស់អ្នក ជំនាញផ្នែកសុខភាព នៃក្រុមប្រឹក្សាស្រាវជ្រាវ វេជ្ជសាស្ត្ររបស់ ចក្រភពអង់គ្លេស (MRC) បានឲ្យដឹងថា ភាពខុសគ្នា ចំពោះទម្លាប់ នៃការគេង រវាងថ្ងៃធ្វើការ និងថ្ងៃចុងសប្តាហ៍ បានធ្វើឲ្យមនុស្ស មានបញ្ហា សុខភាពយ៉ាងខ្លាំង ដូចជា កើតជំងឺ ទឹកនោមផ្អែម, ភាពធាត់ជ្រុល និងមានបញ្ហា បេះដូងជាដើម។ ទម្លាប់នៃការ គេងខុសពេល នេះមានន័យថា គឺជាសកម្មភាព មួយដែលអ្នក អ្នកចូលគេង ឬក៏ក្រោកពីគេងលឿន សម្រាប់ថ្ងៃធ្វើការ តែថ្ងៃឈប់សម្រាក វិញអ្នកចូលគេង ឬក៏ក្រោក ពីគេងយឺតយ៉ាវ ដែលបញ្ហា មួយនេះ បានធ្វើឲ្យសុខភាព ធ្លាក់ដុនដាប យ៉ាងធ្ងន់ធ្ងរ។

លោកសាស្ត្រាចារ្យ David Lomas អ្នកជំនាញនៃ MRC បាននិយាយថា៖ «ពិតណាស់ការ គេងសម្រាក បានច្រើននៅ ថ្ងៃចុងសប្តាហ៍ ជារឿងមួយដែល មនុស្សជាច្រើន ចូលចិត្តធ្វើ និងត្រូវការវា តែយ៉ាងណាមិញ សកម្មភាពមួយនេះ អាចកាត់បន្ថយ អាយុជីវិត របស់យើងបាន»។

គាត់បានបន្ត ទៀតថា៖ «ការគេងខុសពេល ឬក៏ក្រោក មិនទៀងពេល ជាប្រចាំនោះ បានធ្វើឲ្យ សមាសធាតុ DNA នៅក្នុងខ្លួន មនុស្សមាន ផលអាក្រក់ ព្រោះតែ ដំណើរការ ក្នុងការរំលាយ ជាតិស្ករ និង ខ្លាញ់ មិនមានពេលវេលា ច្បាស់លាស់ ខុសប្រក្រតី ជាហេតុនាំឲ្យ មានការប៉ះពាល់ យ៉ាងខ្លាំង ទៅដល់ ហ្សែនរបស់មនុស្ស។ លើសពីនេះទៀត វាក៏អាចធ្វើឲ្យ សម្ពាធឈាម របស់មនុស្ស ឡើងខ្ពស់ដែល អាចនាំឲ្យមាន ជំងឺលើសឈាម, បញ្ហាបេះដូង និង ជំងឺដាច់ សរសៃឈាម ក្នុងខួរក្បាល ផងដែរ»។

នេះគឺជាការ រកឃើញថ្មីមួយទៀត ក៏ដូចជាការដាស់តឿន ពីសំណាក់ ក្រុមអ្នកវិទ្យាសាស្ត្រ ពាក់ព័ន្ធទៅនឹង ទម្លាប់នៃការ គេងមិនទៀងពេល ឬក៏ការគេងយូរ នាថ្ងៃចុងសប្តាហ៍ ព្រោះថា បញ្ហាមួយនេះ អាចធ្វើឲ្យមនុស្ស កើតមានជំងឺ កាចសាហាវ ជាច្រើន៕

តើប្រិយមិត្តយល់ យ៉ាងណាដែរ?

រូបភាពៈ ការគេងយូរ នៅថ្ងៃចុងសប្តាហ៍ ធ្វើឲ្យអ្នក មានបញ្ហាសុខភាព យ៉ាងធ្ងន់ធ្ងរ

ប្រភព៖ ដេលីម៉េល

ដោយ៖ Xeno

ដឹងរថយន្ត Porsche 918 Spyder តម្លៃជិតមួយលាន លេចវត្តមាន នៅស្រុកខ្មែរ ឡូយប៉ុណ្ណាអត់?

By sothy 1:45 AM បច្ចេសវិទ្យា No comments

ប្រភពមកពី៖ khmerload.com

ភ្នំពេញ៖ កាលពីប៉ុន្មាន ថ្ងៃមុននេះ ប្រិយមិត្តអ្នកលេង ហ្វេសប៊ុកជាច្រើន ហាក់ដូចជា ភ្ញាក់ផ្អើលយ៉ាងខ្លាំង នៅពេលដែលប្រទះឃើញ រថយន្ត Porsche 918 Spyder ដែលមាន តម្លៃជិត មួយលានដុល្លារអាមេរិក លេចវត្តមាននៅស្រុកខ្មែរ រហូតដល់ ទំព័រហ្វេសប៊ុក របស់បរទេស បានបង្ហោះផងដែរ។

រថយន្តនេះ ផលិតឡើងដោយក្រុមហ៊ុន Porsche របស់អាឡឺម៉ង់ ហើយវាមាន ពីរប្រភេទខុសៗគ្នា ដោយចែកជា ប្រភេទស្ព័រ Spyder និងប្រភេទប្រណាំង RSR ដែលជាសមិទ្ធិផល របស់អ្នកច្នៃម៉ូដរថយន្ត ជនជាតិអាឡឺម៉ង់ Michael Mauer។ ក្រុមហ៊ុន Porsche បានផលិតរថយន្ត ប្រភេទ 918 Spyder ម៉ូដែលឆ្នាំ ២០១៤ នេះ តែ ៩១៨ គ្រឿងប៉ុណ្ណោះ ក្នុងចន្លោះពីឆ្នាំ ២០១៣ - ២០១៤ ដែលធ្វើឲ្យរថយន្តនេះ ក្លាយទៅជាទំនិញ ដែលមានចំនួនកំណត់ (Limited Edition) មិនមែនចេះតែ ងាយទិញ បាននោះទេ។

រថយន្ត Porsche 918 Spyder ដែលលេចវត្តមាន នៅខ្មែរ គឺជាប្រភេទរថយន្ត Hybrid ប្រើប្រាស់ ទាំងម៉ាស៊ីន (នៅកណ្តាល) និងទាំងអាគុយ ទំហំ ៦.៨ គីឡូវ៉ាត់ម៉ោង។ ទំហំម៉ាស៊ីន ដែលមាន ៨ ម៉ាស៊ីន ចំណុះ ៤.៦ លីត្រ អាចបង្កើតបាន កម្លាំង ៦០៨ សេះ បូកផ្សំ ជាមួយកម្លាំងបន្ថែម ២៧៩ សេះ ពីម៉ូទ័រអេឡិចត្រូនិច ដែលបង្កប់ នៅក្រឡេខាងមុខ-ក្រោយ របស់រថយន្តមួយគ្រឿងនេះ ធ្វើឲ្យវា មានកម្លាំងសរុប ៨៨៧ សេះឯណោះ និង មានល្បឿន អតិបរិមា ៣៤០ គីឡូម៉ែត្រ ក្នុងមួយម៉ោង។ អ្វីដែលជាចំណុចទាក់ទាញ របស់រថយន្តមួយគ្រឿងនេះ គឺវាអាចបង្កើនល្បឿន ពី ០ ទៅ ១០០ គីឡូម៉ែត្រ ក្នុងមួយម៉ោង ដោយប្រើប្រាស់ ថេរវេលា ២.៦ វិនាទី ខណៈ ៧.២ វិនាទី ពី ០ ទៅ ២០០ គីឡូម៉ែត្រ ក្នុងមួយម៉ោង និងចុងក្រោយ ១៩.៩ វិនាទី ប៉ុណ្ណោះ ពី ០ ទៅ ៣០០ គីឡូម៉ែត្រ ក្នុងមួយម៉ោង។

ក្នុងនោះដែរ ជាមួយនឹងការ ចាក់ប្រេងឥន្ទនៈពេញ និង ថាមពលអាគុយពេញទៀតនោះ អ្នកបើកបរ នឹងអាចរីករាយ ជាមួយនឹង រថយន្តមួយគ្រឿងនេះ ក្នុងរយៈចម្ងាយ អតិបរមា បានរហូតដល់ទៅ ៦៨០ គីឡូម៉ែត្រ ដោយមិនចាំបាច់ ខ្វល់ខ្វាយពីបញ្ហា អ្វីទាំងអស់។

គួរបញ្ជាក់ផងដែរថា រថយន្ត 918 Spyder របស់ Porsche មួយគ្រឿងនេះ គឺមានតម្លៃ នៅលើទីផ្សារអន្តរជាតិ ប្រមាណជា ៨៤៥,០០០ ដុល្លារអាមេរិក ខណៈតម្លៃនៅខ្មែរ មិនទាន់ត្រូវបាន បង្ហើប ឲ្យដឹងនៅឡើយទេ។

ទោះជាយ៉ាងណា ក៏ដោយ នេះគ្រាន់តែជា ការស្រាវជ្រាវ ខ្លះៗពីសំណាក់ ក្រុមការងារខ្មែរឡូត តែប៉ុណ្ណោះ។ ប្រិយមិត្ត ក៏អាចចង្អុលបង្ហាញ នូវកំហុសឆ្គង សម្រាប់កែសម្រួលផងដែរ៕