ប្រភពមកពី sabay.com
ពាក្យសំដីត្រឹមតែ ១ ម៉ាត់ ដែលចេញពីមាត់ទស្សនិកជនប៉ុណ្ណោះ ប៉ុន្តែ បានធ្វើឱ្យ កញ្ញា ប៉ុបពី មានការឈឺចាប់ និង ចេះតស៊ូក្នុងឆាកជីវិតរហូតទទួលបានជោគជ័យដូចសព្វថ្ងៃនេះ។ សាមីខ្លួនបញ្ជាក់នៅក្នុងកម្មវិធី “ពេញចិត្តអត់” របស់ទូរទស្សន៍ My TV នៅចុងសប្ដាហ៍កន្លងទៅ។
កញ្ញាបាននិយាយទាំងរលីងរលោងទឹកភ្នែកនៅក្នុងកម្មវិធីនោះថា៖ “ពេលទៅដល់ទីកន្លែងណា មានគេហៅខ្ញុំថា អាខ្ទើយ! ប្រុសមិនប្រុស ស្រីមិនស្រី។ តែខ្ញុំឈឺចាប់ ហើយក៏អរគុណ នៅពេលពួកគាត់មើលងាយ ហើយរិះគន់ នោះជាកម្លាំងចិត្តធ្វើឲ្យខ្ញុំខ្លាំង និង តស៊ូរហូតដល់ថ្ងៃនេះ”។
ទោះបីជាយ៉ាងណា កញ្ញានៅតែអរគុណដល់ទស្សនិកជន ដែលបានរិះគន់ចំពោះកញ្ញា ដែលមានលក្ខណៈធម្មជាតិមិនដូចមនុស្សទូទៅ។ នាងបន្តថា៖” ពាក្យអាខ្ទើយមួយម៉ាត់នេះ គឺខ្ញុំអរគុណគាត់ ប្រសិនបើគ្មានពាក្យនេះដិតជាប់ក្នុងអារម្មណ៍ខ្ញុំទេ គឺមិនអាចដល់ថ្ងៃនេះបានទេ”។ តារារូបនេះបន្តថា ទោះបីជាយ៉ាងណា នាងមិនមានការប្រកាន់ខឹងចំពោះពាក្យពេចន៍រិះគន់របស់ទស្សនិកជននោះទេ។
ជាមួយគ្នានោះ ប៉ុប ពី អះអាងថា នាងមានថ្ងៃនេះក៏ដោយសារសាច់ញាតិទាំងអស់ ជាពិសេសម្ដាយដែលបានចិញ្ចឹមតាំងពីតូច និងតែងផ្ដល់ក្ដីសង្ឃឹមជានិច្ច។ តារារូបនេះបន្ថែមថា មានម្ដាយជាអ្នកប្រៀនប្រដៅឲ្យធ្វើអំពើល្អជានិច្ចនៅក្នុងសង្គម ដើម្បីកុំឲ្យមានអ្នកស្អប់ច្រើនជាងនេះ។
ប៉ុន្តែ ប៉ុបពី បានទទួលស្គាល់ថា ក្នុងនាមជាភេទទី៣ម្នាក់ ភាពឯកាតែងរស់នៅជាប់នឹងជីវិតជានិច្ច។ មធ្យោបាយ មានតែការសន្សំក្ដីស្រឡាញ់ពីឪពុកម្ដាយ និង សាច់ញាតិឱ្យបានច្រើនប៉ុណ្ណោះ ព្រោះនៅពេលភាពឯកាមកដល់ហើយនោះ នឹងមានពួកគាត់ជាអ្នកវិលមកកំដរកញ្ញាមិនខាន៕
0 comments:
Post a Comment