ប្រភពមកពី៖ sabay.com.kh
កាលពីថ្ងៃពុធម្សិលមិញ ក្រុមហ៊ុន Google Inc បានបង្ហាញកម្មវិធីថ្មីមួយដំណើរលើ Android Smartphone មានឈ្មោះថា Android for Work សម្រាប់ប្រើប្រាស់ក្នុងវិស័យការងារ។
ក្រុមហ៊ុន Google បានបញ្ជាក់នៅក្នុង Blog របស់ខ្លួនថាកម្មវិធី Android for Work ថ្មីនេះនឹងបង្កើនសុវត្ថិភាព និងមុខងារគ្រប់គ្រងកាន់តែមានប្រសិទ្ធភាពសម្រាប់ការងារ ហើយកម្មវិធីថ្មីនេះអាចរក្សាកម្មវិធីការងារ និងកម្មវិធីផ្ទាល់ខ្លួនរបស់បុគ្គលិកដាច់ដោយឡែកពីគ្នា។ មិនត្រឹមតែប៉ុណ្ណោះវាបានផ្ដល់ឱ្យអ្នកប្រើប្រាស់តាមដាន tool សំខាន់ទៀតដូចជា email, calendar និង contacts ថែមទៀតផង។
Google បានបន្ថែមទៀតថាខ្លួនបានសហការជាមួយនឹងក្រុមហ៊ុនជាច្រើនដូចជា Blackberry Ltd, Citrix Systems Inc, Box Inc និងក្រុមហ៊ុនផលិត Android Smartphone ជាផ្សេងទៀតក្នុងការផលិតកម្មវិធីថ្មីនេះ។
Android គឺជា OS ដ៏មានប្រជាប្រិយបំផុតនៅក្នុងពិភពលោករបស់ Google ប៉ុន្តែនៅតែមានក្រុមហ៊ុនជាច្រើនបានផ្ដល់ឱ្យបុគ្គលិករបស់ពួកគេនូវ Smartphone របស់ Blackberry ឬ Apple Inc. ទៅវិញ។ ដូច្នេះកម្មវិធីថ្មី ”Android for Work” នឹងអាចធ្វើការប្រកួតប្រជែងដណ្ដើមទីផ្សារជាមួយនឹងក្រុមហ៊ុនទាំងពីរនោះបាន៕
0 comments:
Post a Comment