ប្រភពមកពី៖ news.sabay.com.kh
Pavel Nedved អតីតកីឡាករជើងខ្លាំងប្រចាំក្រុម Juventus បាននិយាយថាក្រុម Real Madrid មិនមែនជាក្រុមខ្លាំងដូចរដូវកាលមុនទៀតទេ ហើយលោកជឿថាក្រុមខ្លាំងបំផុត នាពេលបច្ចុប្បន្នគឺក្រុម FC Barcelona និងក្រុម Bayern Munich។
ក្រុមអធិរាជស Real បានលើកពាន UEFA Champions League កាលពីរដូវកាល ២០១៣/១៤ បន្ទាប់ពីទម្លាក់ក្រុមខ្លាំងអាល្លឺម៉ង់ Bayern ឲ្យតដៃមិនរួច នៅវគ្គពាក់កណ្ដាលផ្ដាច់ព្រ័ត្រ ដោយលទ្ធផលទាំង២ជើង ៥-០ និងយកឈ្នះលើក្រុមគូប្រជែងមកពីទីក្រុងរួមគ្នា Atletico ៤-១ ទៀតនៅវគ្គផ្ដាច់ព្រ័ត្រ។
សម្រាប់នៅរដូវកាលនេះវិញ ក្រុមរបស់លោក Carlo Ancelotti លេងបានល្អយ៉ាងខ្លាំងកាលពីដើមរដូវកាល ប៉ុន្តែតាំងពីចូលឆ្នាំថ្មី២០១៥ មក Real ហាក់ដូចជាយ៉ាប់យ៉ឺនបន្តិច ដោយធ្លាក់ចេញពីតំណែងកំពូលតារាង ក្រោមថ្វីជើងគូសត្រូវ Barca និងឡើងទៅកាន់វគ្គ៨ក្រុមចុងក្រោយ Champions League ទាំងត្រដាបត្រដួសថែមទៀត បន្ទាប់ពីឈ្នះ Schalke ៥-៤ ក្នុងការប្រកួតវគ្គ១៦ក្រុម ជើងទី២ នៅកីឡដ្ឋាន Santiago Bernabeu។
លោក Nedved បាននិយាយថា៖ “វាជារឿងល្អមួយសម្រាប់ក្រុម Juventus ដែលអាចជៀសផុតពីក្រុមកំពូលខ្លាំងរបស់អឺរ៉ុប Barcelona និង Bayern Munich (វគ្គ៨ក្រុម Champions League)។ Real Madrid មិនមែនជាក្រុមខ្លាំងកម្រិតកំពូលដូចរដូវកាលមុនទៀតទេ ប៉ុន្តែអ្វីៗអាចនឹងមានការផ្លាស់ប្តូរឆាប់រហ័ស”៕
តើប្រិយមិត្តយល់យ៉ាងណា ចំពោះការលើកឡើងរបស់លោក Nedved ខាងលើនេះ?
ប្រែសម្រួល៖ វិន ជីវ័ន្ត
ប្រភព៖ Goal.com
ប្រភព៖ Goal.com
0 comments:
Post a Comment