March 2015 ~ ពិភពពត៌មាន

Tuesday, March 31, 2015

អតីត U-16 ជម្រើសជាតិខ្មែរម្នាក់ ចុះកុងត្រា លេងនៅលីកបាល់ទាត់អាមេរិក

ប្រភពមកពី៖ news.sabay.com.kh

កីឡាករ សេន ប្រភស្សរៈ អតីតខ្សែបម្រើក្នុងឈុតជម្រើសជាតិយុវជនក្រោមអាយុ ១៦ ឆ្នាំ (U-16) របស់កម្ពុជា ឆ្នាំ ២០០៩ – ២០១០ បានចុះកិច្ចសន្យារយៈពេល ១ រដូវកាល ជាមួយក្រុម Greater Lowell United FC ក្នុងលីកបាល់ទាត់ National Premier Soccer League (NPSL 2015) លំដាប់ទី៤ របស់សហរដ្ឋអាមេរិក។

សេន ប្រភស្សរៈ ចុះកិច្ចសន្យាជាមួយក្លិបថ្មីកាលពីសប្ដាហ៍មុន

ប្រាប់ Sabay មកពីទីក្រុង Lowell រដ្ឋ Massachusetts កីឡាករអាយុ ២១ ឆ្នាំខាងលើថា នេះជាជំហានដំបូងរបស់ខ្លួនលើទឹកដីសហរដ្ឋអាមេរិកប៉ុណ្ណោះ ដោយប្រកបអាជីពជាមួយក្លិបដែលមានភាគហ៊ុនជាជនជាតិព័រទុយហ្គាល់ មួយនេះ។ គេជាកីឡាករអាស៊ាន តែម្នាក់គត់ដែលលេងក្នុងក្លិប Greater Lowell United FC ក្រោយមានការណែនាំពីមិត្តភ័ក្ដិម្នាក់ជាជនជាតិអ៊ីរ៉ាក់ ដែលជាកីឡាករនៅទីនោះ ប្រាប់ដល់គ្រូបង្វឹក រហូតដល់ថ្ងៃចុះកិច្ចសន្យា កាលពីសប្ដាហ៍មុន តែម្ដង។

តាមពិត ប្រភស្សរៈ បានចេញទៅរស់នៅជាមួយឱពុកបង្កើតរបស់ខ្លួនក្នុងទឹកដីសហរដ្ឋអាមេរិក កាលពីសីហា ឆ្នាំ ២០១៤ កន្លងទៅ ក្រោយបញ្ចប់អាជីពជាកីឡាករបាល់ទាត់របស់គេនៅកម្ពុជា ជាមួយក្លិប Albirex Niigata Phnom Penh។

និយាយពីអាជីពបាល់ទាត់នៅកម្ពុជា វិញ សេន ប្រភស្សរៈ ជាកីឡាករយុវជនថ្នាលរបស់ក្លិប ព្រះខ័នរាជ (ស្វាយរៀង) មុនផ្ទេរទៅជួយក្រុមត្រាយអាស៊ីភ្នំពេញ (Cambodian Tiger) ឡើងពីក្របខណ្ឌក១ ក្នុងឆ្នាំ ២០១៣។ ក្រោយមកទៀតគេបានជាប់ជាសមាជិករបស់ក្លិបភ្នំពេញក្រោន មុនទៅចូលរួមជាមួយ Albirex Niigata កាលពីរដូវកាលមុន។

កាលពីអាយុ ១២ ឆ្នាំ រូបគេមានក្ដីប្រាថ្នាចង់ក្លាយជាកីឡាករបាល់ទាត់ខ្មែរម្នាក់លេងនៅលើទឹកដីសហរដ្ឋអារមេរិក ហើយឥឡូវនេះបានសម្រេចដូចក្ដីបំណងហើយ។ ប៉ុន្តែអ្វីដែលគេចង់បានបន្ទាប់គឺក្លាយជាសមាជិកក្នុងក្លិបណាមួយនៃលីកបាល់ទាត់កំពូលអាមេរិក Major League Soccer (MLS) ក្នុងថ្ងៃអនាគត។ គោលបំណងសំខាន់របស់គេគឺ ចង់បង្ហាញពីអ្វីជារបស់ខ្មែរ នៅលើទឹកដីអាមេរិក។

សេន ប្រភស្សរៈ (លេខ១០) កាលជាប់ជម្រើស U-16 ជម្រើសជាតិ

ខ្សែបម្រើរូបនេះដឹងថាក្លិបថ្មីរបស់គេ មិនសូវល្បីបើធៀបនឹងក្លិបខ្លាំងៗ នៅអាមេរិក ប៉ុន្តែគេនឹងខិតខំបញ្ចេញសមត្ថភាពឱ្យបានល្អ ទោះជាពេលវេលាហ្វឹកហាត់ជាន់គ្នាជាមួយការងារក្រៅម៉ោង ឬ ត្រូវប្រកួតក្រោមតំណក់គ្រាប់ព្រិលក៏ដោយ។

ប្រភស្សរៈ ជាកីឡាករឈុត U-16 របស់កម្ពុជា ជំនាន់ កីឡាករ ចាន់ វឌ្ឍនាកា (បឹងកេតអង្គរ), ហួយ ផល្លីន (ស្វាយរៀង) និង ប្រាក់ មុន្នីភារុណ (អគ្គស្នងការដ្ឋាននគរបាលជាតិ) ជាដើម ដោយធ្លាប់ចេញទៅប្រកួតវគ្គជម្រុះពូល G នៃពានរង្វាន់ទ្វីបអាស៊ី 2010 AFC U-16 Championship ជាមួយ ក្រុម កូរ៉េខាងជើង, វៀតណាម, កូរ៉េខាងត្បូង និង មីយ៉ាន់ម៉ា និង ម្ចាស់ផ្ទះថៃ ក្រោមការដឹកនាំរបស់លោកគ្រូបង្វឹកជនជាតិជប៉ុន Teshima Atsushi៕

អត្ថបទ៖ ម៉ឺន រស្មី
រូបថត៖ ផ្ដល់ឱ្យ

ខ្លីៗជុំវិញលទ្ធផលប្រជុំធំនៅក្រសួងប្រៃសណីយ៍នៅព្រឹកនេះ

By sothy 11:01 PM បច្ចេសវិទ្យា No comments

ប្រភពមកពី៖ news.sabay.com.kh

នៅព្រឹកនេះ ក្រសួងប្រៃសណីយ៍និងទូរគមនាគមន៍បានរៀបចំកិច្ចប្រជុំបូកសរុបលទ្ធផលការងារប្រចាំឆ្នាំ ២០១៤ និងលើកទិសដៅអនុវត្តឆ្នាំ ២០១៥ ដែលមានការចូលរួមក្រសួងមន្ទីរមកពីទូទាំងប្រទេស។ ខាងក្រោមជារបាយការណ៍លទ្ធផលខ្លីៗមួយចំនួនដែល Sabay ទទួលពីការចូលរួមក្នុងកិច្ចប្រជុំពេញមួយព្រឹកនេះ។

@អ្នកប្រើប្រាស់ទូរសព្ទចល័តបានកើនឡើងពីចំនួន ២០,២៦៤,៥១៤ ឆ្នាំ ២០១៣ ដល់ចំនួន ២០,៤៥១,៩៨២ ឆ្នាំ ២០១៤។
@អ្នកប្រើប្រាស់ទូរសព្ទអចល័តបានធ្លាក់ចុះពីចំនួន ៤២០,៩៤២ ឆ្នាំ ២០១៣ មកនៅត្រឹម ២៨៤,៥៤២ ក្នុងឆ្នាំ ២០១៤។
@ចំនួនអ្នកប្រើប្រាស់អ៊ីនធឺណិតចល័តក៏បានកើនឡើងពីចំនួន ៣,៨២៧,៥៨៤ ឆ្នាំ ២០១៣ ដល់ចំនួន ៤,៩៥៧,៤៤៩ សម្រាប់ឆ្នាំ ២០១៥ នេះ។
@អ៊ីនធឺណិតអចល័ត បានកើនឡើងពីចំនួន ៣៤,៣៩៥ ឆ្នាំ ២០១៣ ដល់ចំនួន ៦៨,៤៩៦ឆ្នាំ ២០១៥។
@ហាងអ៊ីនធឺណិតកាហ្វេដែលមានអាជ្ញាប័ណ្ណមានចំនួន ៩៩១ ក្នុងឆ្នាំ ២០១៤។
@អាគារទីស្តីការក្រសួងប្រៃសណីយ៍និងទូរគមនាគមន៍ថ្មីកំពុងស្ថិតនៅក្នុងដំណើរការសាងសង់និងគ្រោងបញ្ចប់នៅចុងឆ្នាំ ២០១៦។
@នាយកដ្ឋានមួយចំនួនកំពុងប្រឈមកង្វះធនធានមនុស្សជំនាញ ដើម្បីយកមកបំពេញក្នុងអង្គភាពការងារ។
@បំណុលពិបាកទារពីសហគ្រាសទូរគមនាគមន៍ឯកជនមួយចំនួន ជាបញ្ហាឈឺក្បាលដែលត្រូវមានដំណោះស្រាយចាត់ការជាបន្ទាន់។

បើមានលទ្ធផលផ្សេងទៀត Sabay នឹងផ្សាយជូនជាបន្តបន្ទាប់។

ការប្រជុំរៀបចំឡើងនៅទីស្តីការក្រសួងប្រៃសណីយ៍និងទូរគមនាគមន៍ និងមានរយៈពេលពេញមួយថ្ងៃ៕

អត្ថបទ៖ ប៊ុណ្ណារ៉ា

ចេញពី ឡើងផ្ទះមិត្តភក្តិ ចោរដេញកាប់ ប្លន់យកម៉ូតូ ដោយសុវត្ថិភាព (មានវីដេអូ)

By sothy 10:45 PM ព័ត៌មានជាតិ No comments

ប្រភពមកពី៖ khmerload

រាជធានីភ្នំពេញ ៖ ក្រុមចោរហារយឆក់ លួច ប្លន់ ប្រដាប់អាវុធនិងដាវសាំម៉ូរ៉ៃ ជាដើមហាក់កគ្រើក ឡើងវិញនៅមួយរយៈ ចុងក្រោយនេះ ជាក់ស្តែងស្ត្រីម្នាក់ត្រូវក្រុម ចោរប្រើដាវសាំម៉ូរ៉ៃកាប់ យ៉ាងព្រៃផ្សៃ រួចប្លន់យកម៉ូតូបាន ដោយសុវត្ថិភាព ខណៈពេលស្ត្រីរងគ្រោះ ជិះម៉ូតូចេញពីឡើងផ្ទះមិត្តភក្តិបំណងត្រឡប់ទៅផ្ទះវិញ ។ កាលវេលាម៉ោង៩និង៣០នាទីយប់ ថ្ងៃទី៣១ ខែមីនា ឆ្នាំ២០១៥ នៅចំណុចផ្លូវលំ ស្ថិតក្នុងភូមិទ្រាទី១ សង្កាត់ស្ទឹងមានជ័យ ខណ្ឌមានជ័យ ។

ស្ត្រីរងគ្រោះត្រូវក្រុមចោរកាប់ ចំដៃខាងឆ្វេងរងរបួសធ្ងន់បានរៀបរាប់ ប្រាប់អ្នកកាសែតកោះសន្តិភាព ថាគាត់បានជិះម៉ូតូម៉ាកស្មាសរ៉េវ៉ូ ពណ៌ខ្មៅ ចេញពីជប់លៀងឡើងផ្ទះមិត្តភក្តិ បំណងត្រឡប់ទៅផ្ទះវិញ ស្រាប់តែមកដល់ចំណុចកើតហេតុ។ ស្រាប់តែលេចក្រុមជន សង្ស័យ១ក្រុម បានប្រើដាវសាំម៉ូរ៉ៃ កាប់មក លើគាត់ បណ្តាលឲ្យដួលម៉ូតូ រួចក្រុមចោរបានលើកម៉ូតូជិះគេចខ្លួនបាត់ដោយ មិនរំខានដល់សមត្ថកិច្ចនោះទេ។ក្រោយកើតហេតុស្ត្រី រងគ្រោះត្រូវគេបញ្ចូនទៅ សង្គ្រោះនៅមន្ទីរពេទ្យ ប៉ុន្តែមិនទាន់បានដាក់ ពាក្យបណ្តឹងនោះទេ ដោយរបួសហូរ ឈាមខ្លាំង ៕

ផ្តល់សិទ្ធដោយ កោះសន្តិភាព

U-22 កម្ពុជា មកដល់ម៉ោង ២:៥០ នាទីថ្ងៃនេះក្រោយចប់យុទ្ធនាការប្រកួតនៅថៃ

By sothy 10:39 PM បាល់ទាត់ No comments

ប្រភពមកពី៖ news.sabay.com.kh

ក្រុមបាល់ទាត់ជម្រើសជាតិកម្ពុជាក្រោមអាយុ ២២ ឆ្នាំ (U-22) ចំនួន ៣១ រូប ក្នុងនោះ ២២ រូបជាកីឡាករ និង ៩ រូបជាថ្នាក់ដឹកនាំ នឹងធ្វើដំណើរមកដល់ប្រទេសកំណើតវិញ នៅវេលាម៉ោង ២:៥០ នាទីរសៀលថ្ងៃទី ១ ខែ មេសា ឆ្នាំ ២០១៥ នេះតាមជើងយន្តហោះលេខ PG933 បាងកក-ភ្នំពេញ ក្រោយបញ្ចប់យុទ្ធនាការប្រកួតជម្រុះពូល G នៃពានរង្វាន់ 2016 AFC U-23 Championship ក្នុងកីឡដ្ឋាន Rajamangala Stadium ប្រទេសថៃ។

ក្រុម U-22 កម្ពុជា (រូបថត៖FFC)

លទ្ធផលក្រោយចប់វគ្គជម្រុះពីថ្ងៃ ២៧ ដល់ ៣១ ខែ មីនា កន្លងទៅនេះ កម្ពុជា មិនបានឆ្លងទៅជុំបន្ទាប់ទេ ដោយឈរលេខ ៣ ក្នុងតារាងមាន ៣ ពិន្ទុ តាមពីក្រោយក្រុមលេខ ១ កូរ៉េខាងជើង និង ២ ថៃ ស្របពេលក្រុមហ្វីលីពីន នៅបាតតារាង។ កម្ពុជា ចាញ់ថៃ នៅថ្ងៃបើកឆាក ២ ទល់ ១ ហើយបន្តចាញ់កូរ៉េខាងជើង ៤ ទល់ ១ តែឈ្នះហ្វីលីពីន នៅប្រកួតបិទពូលម្សិលមិញ ៣ ទល់ ១ វិញ។

៥ គ្រាប់របស់កម្ពុជា រកបានដោយ កីឡាករ ចាន់ វឌ្ឍនាកា ២ គ្រាប់, ប្រាក់ មុន្នីឧត្តម ១ គ្រាប់, សារី ម៉ាត់ ណូរ៉ូទីន ១ គ្រាប់ និង សឿយ វិសាល ១ គ្រាប់។ យុទ្ធនាការបន្ទាប់ក្រុម U-22 កម្ពុជា ត្រូវពង្រឹងក្រុមបន្ថែមដើម្បីត្រៀមទៅចូលរួមប្រកួតវគ្គព្រឹត្តិការណ៍កីឡាស៊ីហ្គេមឆ្នាំ ២០១៥ នៅប្រទេសសិង្ហបុរី ក្នុងខែ មិថុនា ខាងមុខ៕

អត្ថបទពាក់ព័ន្ធ៖ U-22 ថៃ និង វៀតណាម តំណាងឱ្យអាស៊ាន ឆ្ពោះទៅពានទ្វីបអាស៊ីជុំផ្ដាច់ព្រ័ត្រ

អត្ថបទ៖ ម៉ឺន រស្មី

Microsoft គ្រោងនឹងបញ្ចេញ Notebook តម្លៃ១៤៩$ ផ្ដួល Chromebook របស់ Google

By sothy 12:15 AM បច្ចេសវិទ្យា No comments

ប្រភពមកពី៖ news.sabay.com.kh

តាមរបាយការណ៍ថ្មីមួយបានឲ្យដឹងថា ក្រុមហ៊ុន Microsoft គឺកំពុងតែផលិតកុំព្យូទ័រ Notebook ថ្មីមួយ ដែលដំណើរការដោយ Windows 10 ដើម្បីប្រជែងជាមួយនឹងកុំព្យូទ័រ Chromebook របស់ក្រុមហ៊ុន Google ហើយ Notebook ថ្មីនេះនឹងដាក់លក់ក្នុងតម្លៃថោកសមរម្យត្រឹមតែ ១៤៩ ដុល្លារតែប៉ុណ្ណោះ។

តាមរបាយការណ៍ថ្មីនេះដែរ គឺបានមកពីសារព័ត៌មាន Digitimes ឲ្យដឹងថា Microsoft គឺមានកុំព្យូទ័រ Notebook ចំនួនពីរម៉ូដែល ហើយទាំងពីរម៉ូដែលនេះគឺមានទំហំអេក្រង់ ១១,៦អ៊ីញដូចគ្នា។ ក្នុងរបាយការណ៍នេះបានបន្ថែមទៀតថា Notebook ទាំងពីរនោះគឺបំពាក់ដោយ CPU Bay Trail-T CR (BTCR) របស់ក្រុមហ៊ុន Intel ។ មួយម៉ូដែលក្នុងចំណោមនេះគឺប្រើសម្រាប់ក្នុងវិស័យអប់រំ ដែលនឹងសហការផលិតជាមួយក្រុមហ៊ុន Elitegroup Computer Systems (ECS) របស់តៃវ៉ាន់។

ក្រុមហ៊ុន Microsoft គឺត្រូវបានគេរំពឹងទុកថានឹងដាក់លក់ Windows 10 Notebook ទាំងពីរម៉ូដែលនេះទូទាំងពិភពលោកនៅពាក់កណ្ដាលឆ្នាំនេះនិងមានតម្លៃគឺចាប់ពី ១៤៩ ដុល្លារ ទៅ ១៧៩ ដុល្លារ៕

អានបន្ត៖ នេះឈ្មោះ Lumia ជាច្រើនម៉ូដែលទៀត នឹងអាច Update ទៅកាន់ Windows 10 Technical Preview

ប្រែសម្រួល៖ សំនៀង
ប្រភព៖ geeky-gadgets

តារាស្រីថៃ Chompoo នឹងរៀបការ ជាមួួយមិត្តប្រុស ក្នុងខែឧសភានេះ

By sothy 12:08 AM ជីវិតសិល្បះ No comments

ប្រភពមកពី៖ khmerload

ថៃ៖ តារាសម្តែង និងជាតារាបង្ហាញម៉ូត ដ៏ល្បីល្បាញ ប្រចាំប្រទេសថៃ គឺនាង Araya Alberta Hargate ឬ Chompoo Araya បានទម្លាយ រឿងរៀបការ របស់នាង ជាសារធាណៈហើយ។

ចំពោះនាង Araya វ័យ ៣៣ឆ្នាំ មានទំនាក់ទំនង ជាមួយនឹងលោក Not Visaravuth ដែលរូបគាត់ ក៏ធ្លាប់បានសុំនាង រៀបការ រួចមកហើយ កាលពីថ្ងៃទី ២៣ ខែធ្នូ ឆ្នាំ២០១៤ ដែលធ្វើឲ្យនាង ស្រក់ទឹកភ្នែកយ៉ាងខ្លាំង ខណៈពេលគាត់ បានលុតជង្គង់ និងបង្ហាញចិញ្ចៀន ទៅកាន់រូបនាង។ ប៉ុន្តែកាលពីថ្មីៗនេះ តារាស្រី កូនកាត់ ថៃ-ឡាវ-អង់គ្លេស រូបនេះ បានសម្រេចិត្តទម្លាយនូវរឿង រៀបការរបស់នាង ជាមួយនឹងមិត្តប្រុស ដែលនឹង ប្រព្រឹត្តទៅ ក្នុងខែឧសភា ឆាប់ៗនេះផងដែរ។ ជាពិសេសទៀតនោះ Araya ក៏បាននិយាយដែរថា "ថ្ងៃអាពាហ៍ពិពាហ៍របស់ខ្ញុំ នឹងធ្វើឡើង ចំនួន២ថ្ងៃ គឺថ្ងៃទី១ ជាថ្ងៃភ្ចាប់ពាក្យ និងថ្ងៃទី២ ជាថ្ងៃរៀបការ។ ហើយខ្ញុំនឹង ដើរចែកធៀប ក្នុងពេលឆាប់ៗនេះ ប៉ុន្តែធៀបរៀបការ គឺមិនទាន់ហើយ រួចរាល់នោះទេ"៕

នាង Araya Alberta Hargate

ទិដ្ឋភាព ពេលដែលមិត្តប្រុស សុំនាងរៀបការ

ប្រភព DaraNews

ដោយ៖ កា

មើលឈុតព្រឺព្រួចក្នុងទ្រុង UFC តិចមើល៍ ញាច់សាច់ប៉ុណ្ណាដែរ?

By sothy 12:03 AM កីឡា No comments

ប្រភពមកពី៖ news.sabay.com.kh

MMA ឬ Mixed Martial Arts ជាប្រភេទកីឡាប្រយុទ្ធក្នុងទ្រុងដ៏សាហាវ ដែលអាចប្រើក្បាច់ចម្រុះក្នុងការវាយដៃគូប្រយុទ្ធ ហើយកំពុងទទួលការពេញនិយមយ៉ាងខ្លាំងនាពេលបច្ចុប្បន្ន។

ថ្ងៃនេះ Sabay សូមនាំអារម្មណ៍ប្រិយមិត្តទៅទស្សនាឈុតឆាកវាយឲ្យសន្លប់មួយចំនួននៃការប្រកួតក្នុងទ្រុង UFC ដែលជាស្ថាប័ន MMA ដ៏ធំបំផុតមួយក្នុងលោក។ ចង់ដឹងថាញាក់សាច់ប៉ុណ្ណានោះ សូមមើលវីដេអូខាងក្រោម៖

ដោយ៖ ហេង សុធារិទិ្ធ

អត្ថប្រយោជន៍ ទាំង១០ ចំពោះសុខភាព ដែលទទួលបានពី «ជីអង្កាម»

By sothy 11:58 PM សុខភាព No comments

ប្រភពមកពី៖ khmerload

ស្លឹកជីអង្កាមស្រស់ គឺជាអត្ថប្រយោជន៍ ពីធម្មជាតិ ដែលធ្វើឲ្យ មានសុខភាពល្អ។ ហើយនៅក្នុងអត្ថបទមួយនេះ នឹងបកស្រាយប្រាប់ពីសារ:ប្រយោជន៍របស់ ជីអង្កាម ចំពោះសុខភាព៖

១. ជៀសឆ្ងាយពីបញ្ហាក្រពះ

ជីអង្កាម ត្រូវបានគេស្គាល់ថា អាចយកមកប្រើសម្រាប់ព្យាបាល ប្រភេទជំងឺ ដែលទាក់ទងនឹងបញ្ហាក្រពះ ពោះវៀន និង ការឈឺចាប់ពេលមករដូវជាដើម ។ ប៉ុន្តែភ័ស្តុតាង តាមផ្នែកវិទ្យាសាស្រ្ត បានបង្ហាញឲ្យឃើញថា ភាគច្រើនវាត្រូវបានយកទៅប្រើ សម្រាប់ព្យាបាល ជម្ងឺរលាកពោះវៀន (IBs) ។ រោគសញ្ញាទូទៅនៃ IBs ត្រូវបានកាត់បន្ថយ និងបន្ថយការឈឺចាប់ ដែលបានសម្រួលដោយ ជីអង្កាម ។

២. បន្ថយអាការៈតឹងច្រមុះ

ជាការពិតណាស់ អាការ:តឹងច្រមុះ គឺជារឿងធម្មតាមួយ ដែលបណ្ដាលមកពី ជម្ងឺផ្ដាសាយ និងប្រតិកម្មអាឡែហ្ស៊ី ហើយជាទូទៅតែងតែកើតមាន ចំពោះកុមារ និងមនុស្សពេញវ័យដូចគ្នា ដោយសារតែ ក្នុងជីអង្កាម មានផ្ទុកនូវសារជាតិ មេនតុល ដែលមានជាតិ ត្រជាក់ប្រហើរ។ ជាងនេះទៅទៀត ជាតិមេនតុលនេះ គឺជាធាតុដ៏សំខាន់ នៅក្នុងថ្នាំផ្តាសាយ និងអាឡែហ្ស៊ី មួយចំនួនផងដែរ។ អ្នកអាចស្រូបយកក្លិន ដ៏ប្រហើរ របស់វា ដើម្បីបំបាត់ការតឹងច្រមុះ។

៣. ជួយក្នុងការរំលាយអាហារ

ជីអង្កាម មិនគ្រាន់តែមានសារ:ប្រយោជន៍ ជួយកាត់បន្ថយបញ្ហាក្រពះនោះទេ ប៉ុន្តែវាក៏ជួយជំរុញលំហូរ ទឹកប្រមាត់។ ជាពិសេស ការបន្ថែមជីអង្កាមចូលទៅ ក្នុងតែ វានឹងជួយជំរុញ ដល់ការរំលាយអាហារ បានយ៉ាងឆាប់រហ័ស។

៤. សុខភាពស្បែក

ជីអង្កាម គឺជាឱសថ ដែលត្រូវបានគេប្រើធ្វើជាក្រែម យូរយារណាស់មកហើយ ។ ក្រែមជីអង្កាម ក៏ត្រូវបានប្រើ សំរាប់ព្យាបាល ជំងឺបន្ទាលត្រអាក និងកន្ទួល ផងដែរ។ វាមិនត្រឹមតែមានប្រសិទ្ធភាព ចំពោះស្បែកនោះទេ ក៏អាចបង្ការ កុំឲ្យកើតមាន បញ្ហាស្បែក ផងដែរ។

៥. ប្រមូលអារមណ្ម៍បានល្អ

ការសិក្សាមួយ ឲ្យដឹងថា ជីអង្កាមមានទំនាក់ទំនង ជាមួយនឹង ការចងចាំ។ ជាញឹកញាប់ នៅពេលដែលអ្នក ដកដង្ហើមចូល ជាមួយនឹងក្ចិនដ៏ប្រហើរ របស់ ជីអង្កាម វានឹងជួយបង្កើនសមត្ថភាព នៃការចងចាំ និងការផ្ដោតអារម្មណ៍បានល្អ ទៀតផង។

៦. ជួយកាត់បន្ថយ ជម្ងឺរបេង

តើអ្នកដឹងទេ ជីអង្កាមមាន លក្ខណៈសម្បត្តិប្រឆាំង នឹងការរលាក ដែលវាជួយឲ្យ អ្នកដែលមានជម្ងឺរបេង មានភាពប្រសើរឡើង។ ការសិក្សាបានបង្ហាញដែរថា ការស្រូបយកក្លិន ប្រេងជីអង្កាម អាចជួយក្នុងការទប់ស្កាត់ ការកើតមានឡើងវិញ នៃជម្ងឺនេះ។

៧- ការពារប្រឆាំងនឹងមហារីក និង ដុំសាច់

ជាក់ស្ដែង ជីអង្កាម មិនត្រឹមតែមានសារ:ប្រយោជន៍ ជួយការពារ និងព្យាបាលរោគពោះវៀន ប៉ុណ្ណោះទេ តែក៏ជួយការពារប្រឆាំងនឹង មហារីកសួត ស្បែក និងពោះវៀនធំ ផងដែរ តាមរយ:សារជាតិមានក្នុងជីអង្កាម។

៨. ផ្ដល់ការថែទាំមាត់ធ្មេញ

ជីអង្កាម ជាធាតុផ្សំសកម្មនៅក្នុងផលិតផលប្រើប្រាស់សម្រាប់ ធ្មេញបំផុត។ វត្តមាននៃ ជីអង្កាម ក្នុងសុខភាព មាត់ វាជួយ ការពារការពុកធ្មេញ និង ធ្វើឲ្យខ្យល់ដកដង្ហើមបុរិសុទ្ធ ។

៩. ព្យាបាលអាការ:ឈឺក្បាល

ប្រេងជីអង្កាម មានប្រសិទ្ធភាពដ៏អស្ចារ្យក្នុង ការព្យាបាលអាការ:ឈឺក្បាល ។ ដោយគ្រាន់តែ យកប្រេង ទៅម៉ាស្សា នៅលើថ្ងាស និង សៀតផ្កា អ្នកនឹងមានអារម្មណ៍ធូរស្រាល និង ស្រស់ស្រាយឡើងវិញ ។ ពិសេសនោះ អ្នកអាចស្រូបក្លិនវាបាន ដែលនឹងទទួលបាននូវលទ្ធផល ដ៏មានប្រសិទ្ធភាព ។

១០. កាត់បន្ថយការឈឺសាច់ដុំ

ការឈឺសាច់ដុំ គឺ បញ្ហាទូទៅមួយផ្សេងទៀត របស់មនុស្សគ្រប់វ័យ។ ហើយជាមួយគ្នានេះ អ្នកអាចម៉ាស្សាប្រេងជីអង្កាម នៅកន្លែងដែលមានការឈឺចាប់សាច់ដុំ ពីព្រោះវា មានប្រសិទ្ធភាព ក្នុងការកាត់បន្ថយភាពឈឺចាប់ ។ ជម្រើសម៉្យាងទៀត អ្នកអាចបន្ថែមបន្តក់ដំណក់ ប្រេងជីអង្កាម មួយចំនួន ចូលទៅក្នុងទឹកសម្រាប់ងូត ដើម្បីបន្ថយការឈឺចាប់បាន ដោយខ្លួនឯង ។

ប្រភព mag4woman

ដោយ ដាលីស

Samsung Galaxy S6 ធ្វើឲ្យភ្ញាក់ផ្អើលបណ្តាញសារព័ត៌មាននានាជុំវិញពិភពលោក

By sothy 11:53 PM បច្ចេសវិទ្យា No comments

ប្រភពមកពី៖ news.sabay.com.kh

រាប់គិតចាប់ពីចុងឆ្នាំ២០១៤ រហូតដល់ខែមីនា ឆ្នាំ២០១៥ បណ្តាញអ្នកសារព័ត៌មានមិនតិចទេ ទាំងក្នុងស្រុក និងក្រៅស្រុក បានចេញមុខទស្សន៍ទាយរូបរាងពិតរបស់ទូរស័ព្ទដៃទំនើប Samsung Galaxy S6 រហូតដល់ថ្ងៃទី១ ខែមីនា ដែលរូបរាងពិតរបស់ទូរស័ព្ទដៃ Samsung Galaxy S6 ត្រូវបានបង្ហាញជាផ្លូវការ នៅក្នុងពិព័រណ៍សមាជទូរស័ព្ទពិភពលោក នៅទីក្រុងបាសេឡូណា ប្រទេស អេស្ប៉ាញ ជាមួយនឹងទូរស័ព្ទដៃកញ្ចក់កោង ដែលទទួលបានពានរង្វាន់ជាទូរស័ព្ទដែលមានគំនិតច្នៃប្រឌិតគ្មានពីរ និងល្អបំផុតគឺ Samsung Galaxy S6 Edge ។

បណ្ដាញសារព័ត៌មានល្បីៗនៅលើពិភពលោកជាច្រើនបានធ្វើការផ្សាយផ្ទាល់ពីព្រឹត្តិការណ៍សមាជទូរស័ព្ទពិភពលោក (Mobile World Congress) ជាមួយការបង្ហាញរូបរាងពិតរបស់ទូរស័ព្ទដៃ Galaxy S6 នេះ មានរួមទាំងគេហទំព័រល្បី CNET ផងដែរ។

សារព័ត៌មាន BBC News បានសរសេរចំណងជើងធំៗថា «ក្រុមហ៊ុន APPLE ច្បាស់ជាយំមិនខានពេលឃើញទូរស័ព្ទដៃកញ្ចក់កោងរបស់ Samsung» ។ សារព័ត៌មានជាច្រើនទៀតក៏បានធ្វើការប្រៀបធៀបពីលក្ខណៈសម្បត្តិរបស់ទូរស័ព្ទ Galaxy S6 ទៅនឹងទូរស័ព្ទល្បីៗ ពីក្រុមហ៊ុននានាជុំវិញពិភពលោក ដែលគ្មានទូរស័ព្ទណាអាចស៊ីដាច់ Samsung Galaxy S6 Edge បាននៅឡើយទេ និងមានចំណុចពិសេសរហូតដល់ ១០ យ៉ាងរបស់ទូរស័ព្ទដៃ Samsung Galaxy S6 មានសមត្ថភាពអាចធ្វើបាន ដែលទូរស័ព្ទ iPhone6 មិនអាចធ្វើបាន រួមមានបណ្តាញសារព័ត៌មាន The Verge, The Financial Times, Bloomberg Business, Android Community, Business Insider, និងសារព័ត៌មាន Entrepreneur ជាដើម។

មិនត្រឹមតែប៉ុណ្ណោះ បណ្តាញសារព័ត៌មាន Thearabiapost, Ajw.asahi, Pressreader, Globaltimes, Nbcnews, CNNMoney, Daily Mailនិង Reuters UK បានបញ្ចេញអត្ថបទរបស់ខ្លួនដែលមានចំណងជើងថា «Samsung បង្ហាញទូរស័ព្ទដៃស្មាតហ្វូន Galaxy ម៉ូដែលថ្មីដើម្បីបំបាក់ APPLE»។

ចំណែកឯបណ្តាញសារព័ត៌មានកម្ពុជាយើងក៏បានចុះផ្សាយផងដែរ មានដូចជា Business Newsក៏ដូចជា Cambo Report ផងដែរ បានដាក់ចំណងជើងផ្សេងៗពីគ្នា ដែលនិយាយពី ចំនុចពិសេស ៨ យ៉ាងដែលយើងអាចដឹងថា រវាង SamsungS6 និង iPhone6 មួយណាខ្លាំងជាង និងខ្លះទៀតសរសេរថា ក្រុមហ៊ុន សាមសុង បានបង្ហាញទូរស័ព្ទថ្មី Galaxy S6 ស្អាតដាច់គេនៅក្នុង ពិព័រណ៍សមាជទូរស័ព្ទពិភពលោកឆ្នាំ២០១៥ (MWC)។

គួរបញ្ចាក់ផងដែរថា ទូរស័ព្ទស្មាតហ្វូនទំនើប Samsung Galaxy S6 និង ទូរស័ព្ទស្មាតហ្វូនគ្មានពីរ Samsung Galaxy S6 Edge ទាំងពីរនេះ ត្រៀមនឹងសម្ពោធលក់ជាផ្លូវការក្នុងខែមេសាខាងមុខនេះហើយ ក្រោយពីបានបង្ហាញខ្លួនលើអ៊ីនធឺណែតប៉ុន្មានថ្ងៃមុននេះ។ តើអ្នកត្រៀមខ្លួនហើយ ឬនៅ? គ្រប់គ្នាចង់ក្លាយជាម្ចាស់ទូរស័ព្ទទំនើបមួយនេះ។ ចុះអ្នកវិញ?

ព័ត៌មានលម្អិតខ្លះៗ៖
https://www.facebook.com/cnet/posts/10153246348992275
http://www.straitstimes.com/digital-life/phone/story/samsung-launches-galaxy-s6-dual-curved-screen-20150302
https://www.facebook.com/verge/posts/868599423176402
http://news.sabay.com.kh/article/296595

អំពីក្រុមហ៊ុន Samsung Electronics co., Ltd

គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្តល់លទ្ធភាពថ្មីៗជូនមនុស្សគ្រប់រូបគ្រប់ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរឲ្យកាន់តែប្រសើរឡើងនូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេជ្ជសាស្ត្រ ឧបករណ៍ផ្សេងៗប្រើប្រព័ន្ធអគ្គិសនី និងដំណោះស្រាយផ្សេងៗប្រើប្រព័ន្ធ LED។ យើងមានបុគ្គលិកចំនួន ៣០៧០០០ នាក់ នៅទូទំាង ៨៤ប្រទេសដោយមានបរិមាណលក់ប្រចាំឆ្នាំ ចំនួន ១៩៦ពាន់លានដុល្លារអាមេរិក។

ព័ត៌មានបន្ថែម សូមមើលគេហទំព័រ www.samsung.com និង global.samsungtomorrow.com

អត្ថបទផ្សាយពាណិជ្ជកម្ម

ប្រេស៊ីល ទៅសងសឹកបារាំងដល់ផ្ទះ បន្តភាពមិនចាញ់៧ប្រកួតជាប់គ្នា

By sothy 9:03 PM បាល់ទាត់ No comments

ប្រភពមកពី៖ news.sabay.com.kh

ក្រុមបាល់ទាត់សាំបាប្រេស៊ីល បានបន្តកំណត់ត្រារបស់ខ្លួន ឈ្នះ៧ប្រកួតជាប់ៗគ្នា តាំងពីប្រកួត World Cup 2014 មក បន្ទាប់ពីពួកគេបានវាយបកយកឈ្នះមាន់គកបារាំង ៣-១ ទៀត ក្នុងការប្រកួតមិត្តភាពអន្តរជាតិ នៅក្នុងទីក្រុងប៉ារីសកាលពីយប់មិញ។

2705D40200000578-0-image-a-22_1427403942469

2705F5ED00000578-0-image-a-41_1427404226282

ខ្សែការពារ Raphael Varane របស់ Real Madrid បានតែតឲ្យក្រុមម្ចាស់ផ្ទះបារាំង ធ្វើការនាំមុខក្រុមភ្ញៀវមុននៅតង់ទី១ នាទី២១ បន្ទាប់ពីការបញ្ជូនបាល់ជ្រុងយ៉ាងល្អពី Mathieu Valbuena ។ យ៉ាងណាក្ដី អ្នកគាំទ្រក្រុមបារាំង ហាក់ស្ងប់ស្ងាត់វិញ បន្ទាប់ពីខ្សែបម្រើ Oscar របស់ Chelsea ស៊ុតឲ្យប្រេស៊ីល តាមបានស្មើ ១-១ វិញ នៅចុងតង់ទី១ នាទី៤០។

ចូលដល់តង់ទី២ នាទី៥៧ ខ្សែបម្រើប្រយុទ្ធ Neymar របស់ក្រុម FC Barcelona បានស៊ុតឲ្យសាំបាប្រេស៊ីល នាំមុខបារាំង ២-១ វិញម្ដង បន្ទាប់ពីការបញ្ជូនយ៉ាងល្អពីជើង Willian។ ទោះជាក្រុមទាំង២ មានសាច់បាល់ ៥០/៥០ ប្រហែលគ្នាក៏ដោយ ប៉ុន្តែក្រុមភ្ញៀវមានទម្រង់ប្រយុទ្ធមុតស្រួចជាង ខណៈដែលខ្សែបម្រើ Luiz Gustavo របស់ Wolfsburg បានតែតគ្រាប់ទី៣ ឲ្យប្រេស៊ីលបាន១គ្រាប់ទៀតនៅនាទី៦៩។

2705E2C200000578-0-image-a-25_1427403949031

27071CE200000578-3013668-image-a-53_1427406704776

2707236F00000578-3013668-image-a-56_1427406734517

270713B300000578-3013668-image-a-58_1427407617049

ជ័យជម្នះមួយនេះមានន័យថា អ្នកចាត់ការថ្មីរបស់ប្រេស៊ីល Dunga បានរក្សាកំណត់ត្រាឈ្នះ ១០០% តែម្ដង ចាប់តាំងពីលោកឡើងកាន់តំណែងអ្នកចាត់ការប្រេស៊ីលជាលើកទី២ កាលពីខែកក្កដា បន្ទាប់ពីក្រុមមួយនេះ ធ្លាក់ពីការប្រកួត World Cup នៅវគ្គពាក់កណ្ដាលផ្ដាច់ព្រ័ត្រ ក្រោយចាញ់អាល្លឺម៉ង់ យ៉ាងចាស់ដៃ ៧-១៕

ចុចអាន៖ មើលជើងប្រេស៊ីល ត្រៀមសងសឹកបារាំងតិចមើល៍ម៉ិចដែរ?

ប្រែសម្រួល៖ វិន ជីវ័ន្ត
ប្រភព៖ BBC

មិនគួរឲ្យជឿ ថាគ្រាប់ផ្កាឈូករ័ត្ន មានប្រយោជន៍ ចំពោះសុខភាព ច្រើនយ៉ាងនេះសោះ!

By sothy 8:52 PM សុខភាព No comments

ប្រភពមកពី៖ khmerload

គ្រាប់ផ្កាឈូករ័ត្ន ជាគ្រាប់ធញ្ញជាតិមួយ ដែលមនុស្សជាច្រើន ចូលចិត្តយកមកទទួលទាន។ ប៉ុន្តែតើអ្នកដឹងទេថា គ្រាប់ផ្កាឈូករ័ត្ន មានអត្ថ ប្រយោជន៍ យ៉ាងច្រើនលើសលុប ចំពោះសុខភាព របស់អ្នក។ ចង់ដឹងថា គ្រាប់ផ្កាឈូករ័ត្ន មានប្រយោជន៍យ៉ាងណា តោះតាមដានអានទាំងអស់ គ្នា៖

១) ប្រឆាំងនឹងការរលាករោល៖ គ្រាប់ផ្កាឈូករ័ត្ន បានផ្ទុកនូវវីតាមីនE ដែលជួយការពារ នឹងជម្ងឺហឺត ជម្ងឺរលាកសន្លាក់ និងខះទឹកសន្លាក់ ជាដើម។

២) សុខភាពស្បែក៖ វីតាមីន E ក៏ជួយការពារស្បែក ពីកាំរស្មីអ៊ុលត្រា របស់ព្រះអាទិត្យ និងជួយឲ្យស្បែក របស់អ្នក ភ្លឺថ្លាផងដែរ។ ដូច្នេះហើយ អ្នកគួរតែបន្ថែម គ្រាប់ផ្កាឈូករ័ត្ន ប្រមាណ១ស្លាបព្រាបាយ ក្នុងរបបអាហារ ជាប្រចាំថ្ងៃ ដើម្បីទទួលបាន នូវជាតិវីតាមីន E ពីគ្រាប់ផ្កាឈូករ័ត្ន។

៣) ប្រឆាំងនឹងរោគមហារីក៖ គ្រាប់ផ្កាឈូករ័ត្ន បានផ្ទុកនូវសារធាតុ Selenium ដែលតាមការ សិក្សា ស្រាវជ្រាវ កន្លងមក បានឲ្យដឹងថា សារធាតុ Selenium នេះ អាចជួសជុល កោសិកា ដែលត្រូវបាន បំផ្លាញ និងជួួយទប់ស្តាត់ការលូតលាស់ នៃកោសិកាមហារីកផងដែរ។ ជាពិសេស ទៀតនោះ គ្រាប់ផ្កាឈូករ័ត្ន ក៏មានតួនាទី ក្នុងការកាត់បន្ថយ នៃការកើតជម្ងឺមហារីកក្រពេញប្រូស្តាត មហារីកប្លោកនោម និងមហារីកពោះវៀន ជាដើម។

៤) សុខភាពឆ្អឹង៖ គ្រាប់ផ្កាឈូករ័ត្ន សម្បូរទៅដោយ សារធាតុម៉ាញ៉េស្យូម និងកាល់ស្យូម ដែលជំនួយទៅ ដល់ឆ្អឹងរបស់អ្នក។ បន្ថែមពីនេះ ទៅទៀត ជាតិទង់ដែង ដែលមានក្នុងគ្រាប់ផ្កាឈូករ័ត្ននោះ ក៏មានតួនាទីដ៏សំខាន់ផងដែរ ក្នុងការជួយឲ្យឆ្អឹង និងសន្លាក់ បត់បែនបានល្អ។ ជាពិសេសទៀតនោះ ជាតិវីតាមីនE អាចជួយបន្ថូរបន្ថយ នៃការឈឺចាប់សន្លាក់បាន។

៥) ការពារជម្ងឺបេះដូង៖ ដោយសារតែគ្រាប់ផ្កាឈូក ផ្ទុកវីតាមីនE វាបានជួយការពារ ជម្ងឺដែលទាក់ទង នឹងសរសៃឈាម និងបេះដូង ការពារ បញ្ហាគាំងបេះដូង និងដាច់សរសៃឈាម ក្នុងខួរក្បាលផងដែរ។

ទាំងនេះជាអត្ថប្រយោជន៍ របស់គ្រាប់ផ្កាឈូករ័ត្ន មានចំពោះសុខភាព៕

ប្រភព បរទេស

ដោយ៖ កា

នាយក្រិន មានភរិយាថ្មី និងមានកូនម្នាក់ទៀតហើយ

By sothy 8:37 PM តារា No comments

ប្រភពមកពី៖ khmerload

រាជធានីភ្នំពេញ ៖ ភរិយាតារាកំប្លែងមាឌ តូចល្អិតនាយក្រិន បានបង្ហើបពី គម្រោងរៀបការ បន្ទាប់ពីអ្នកទាំងពីរបាន សម្រេចរួមរស់ជាមួយគ្នាក្រោមដំបូលផ្ទះ តែមួយដោយមិនទាន់រៀបការ និងមានកូនប្រុសម្នាក់ អាយុជាង១ខួបហើយ ។

ភរិយារបស់នាយក្រិន នៅមិនទាន់បានកំណត់ពេលវេលា ជាក់លាក់ណាមួយនៅឡើយទេ ប៉ុន្តែមង្គលការរបស់ពួកគេ អាចនឹងរៀបចំនៅដំណាច់ឆ្នាំក្រោយនេះ បន្ទាប់ពីនាយក្រិនវិលមក ពីសម្តែងនៅសហរដ្ឋ អាមេរិកវិញ ។

ភរិយារបស់នាយក្រិន នាងអាលីយ៉ា ហៅយ៉ាយ៉ា ប្រាប់កោះសន្តិភាពតាមសារ អេឡិចត្រូនិចកាលពីពេល ថ្មីៗនេះថា នាង និងនាយក្រិន គ្រោងរៀបការនៅដំណាច់ឆ្នាំក្រោយ ដោយសារតែនាងត្រូវរង់ចាំនាយក្រិន វិលមកពីសម្តែងនៅសហរដ្ឋអាមេរិកវិញ ។ បើទោះបីជាពួកនាងនៅមិនទាន់ឈានដល់ ពិធីមង្គលការក៏ដោយ ប៉ុន្តែដោយសារចិត្ត ស្រឡាញ់គ្នាដោយស្មោះស្ម័គ្រទៅ វិញទៅមកនោះ ទើបពួកនាងសម្រេចចិត្តរួមរស់ជាមួយគ្នា ហើយមានកូនប្រុសម្នាក់ អាយុជាងមួយខួបហើយ ។

បើតាមការអះអាង ពីភរិយានាយក្រិន មូលហេតុដែលធ្វើឱ្យនាងសម្រេច ជ្រើសរើសយកតារាកំប្លែងមាឌ ល្អិតរូបនោះជាស្វាមី គឺដោយសារ តែនាងអាណិត និងស្រឡាញ់ចំពោះនាយក្រិន ហើយការជ្រើសរើសនេះមិនស្ថិត នៅក្រោមសម្ពាធអ្នកណា ម្នាក់ឡើយ ។

នាងយ៉ាយ៉ានិយាយថា «មុននឹងសម្រេចយកគ្នា រួមរស់ជាមួយគ្នានោះ យើងទាំងពីរបានឈ្វេងយល់ ចិត្តគ្នាប្រហែលជា៣ឆ្នាំ ហើយខ្ញុំស្គាល់គាត់រយៈពេល៤ឆ្នាំ ។ ចំណែកការមានកូនមុនរៀបការនេះ ខ្ញុំនិងគាត់ក៏មិនដែលគិតពីអ្វីឡើយ សំខាន់យើងស្រឡាញ់គ្នា ហើយគាត់ក៏ស្រឡាញ់កូនដែរ» ។ នៅពេលដែលខ្ញុំជ្រើសរើសគាត់នោះ គឺខ្ញុំមិនដែលគិតពី កាយសម្បទាគាត់ និងអតីតកាល របស់គាត់ឡើយ បញ្ហាសំខាន់គាត់ជា មនុស្សល្អសម្រាប់ខ្ញុំ ហើយគាត់តែងតែផ្តល់ឱ្យ ខ្ញុំគ្រប់បែបយ៉ាងទាំងការស្រឡាញ់ និងការយកចិត្តទុកដាក់ រហូតធ្វើឱ្យខ្ញុំមានគំនិតថា ស្រឡាញ់គាត់ស្មើ នឹងជីវិតរបស់ខ្ញុំ» ។

មុននឹងមានភរិយាទី២នេះ នាយក្រិនធ្លាប់រៀបមង្គលការ ជាមួយនាងហ៊ិន ចាន់ធឿន ដែលជាជាងអ៊ុតសក់ នៅខេត្តព្រះសីហនុ ។ អ្នកទាំងពីរបានចូលរោងការ កាលពីថ្ងៃទី២៨ ខែឧសភា ឆ្នាំ២០០៩ ក្រោមការជួយជ្រោមជ្រែងពីនាយកុយ ដែលជាមេក្រុមកំប្លែង របស់នាយក្រិន ។ ក្រោយពីបានកូនប្រុសម្នាក់មក ចំណងអាពាហ៍ពិពាហ៍របស់នាយក្រិន បានឈានដល់ផ្លូវបំបែកតាម ផ្លូវច្បាប់នៅអំឡុងឆ្នាំ២០១១ ក្រោមហេតុ ផលមិន ចុះសម្រុងនឹងគ្នា ។

ភរិយារបស់នាយក្រិន វ័យ២៥ឆ្នាំ និងមានស្រុកកំណើត នៅខេត្តកំពង់ចាម ។ នាងយ៉ាយ៉ា កំពុងរៀបចំខ្សែជីវិតរបស់ខ្លួន ជាមួយស្វាមីទៅថ្ងៃអនាគត ដោយពេលនេះនាង មានគម្រោងពង្រីកមុខរបរលក់ ដូរដែលមានស្រាប់បន្ថែមទៀត ប៉ុន្តែនាងត្រូវរង់ចាំ នាយក្រិនវិលមកពីសម្តែងនៅសហរដ្ឋអាមេរិក វិញ ៕

ផ្តល់សិទ្ធដោយ កោះសន្តិភាព

រថយន្តដឹក ស៊ីម៉ង់ត៍បុក ម៉ូតូហុងដា វ៉េវរបួសធ្ងន់ បុរសម្នាក់ (មានវីដេអូ)

By sothy 8:28 PM ព័ត៌មានជាតិ No comments

ប្រភពមកពី៖ khmerload

រាជធានីភ្នំពេញ៖ បុរសម្នាក់បានរង របួសយ៉ាងធ្ងន់ធ្ងរ បែកគ្រាប់ភ្នែកនិង ផុងថ្ពាល់ខាងឆ្វេង នៅពេលដែលចេញ ពីធ្វើការរួចត្រឡប់ទៅផ្ទះវិញ ដោយជិះម៉ូតូវ៉ា ទៅកណ្តាលទ្រូងផ្លូវ ជាហេតុធ្វើឲ្យរថយន្តវ៉ាក់ ជ្រុលទៅបុកចំពីមុខតែម្តង ។ ហេតុការណ៍នេះ កើតឡើងកាលពី វេលាម៉ោង ១១ និង១០នាទីយប់ ថ្ងៃទី២៦ ខែមីនា ឆ្នាំ២០១៥ នៅតាមបណ្តយ ផ្លូវជាតិលេខ៣ ស្ថិតក្នុងភូមិព្រៃកី សង្កាត់ភ្លើងឆេះរទេស ខណ្ឌពោធិ៍ សែន ជ័យ ។

ជនរងគ្រោះ មានឈ្មោះថា ស៊ន សុវណ្ណារិទ្ឋ ភេទប្រុស អាយុ៤៨ឆ្នាំ មានមុខរបរជា អ្នកបើករថយន្ត ស្នាក់នៅក្នុងភូមិវត្តស្លែង សង្កាត់ពងទឹក ខណ្ឌដង្កោ ។

ក្រោយពេលកើត ហេតុសមត្ថកិច្ចមូលដ្ឋាន បានមកដល់ភ្លាមៗ ព្រមទាំងហៅរថយន្តសាមុយ ដឹកយកអ្នករងរបួសធ្ងន់ទៅ សង្គ្រោះនៅមន្ទីរពេទ្យ ។ ចំណែករថយន្តនិងម៉ូតូត្រូវ បានសមត្ថកិច្ចធ្វើការវាស់់វែង យក ទៅរក្សាទុកនៅការិយាល័យចរាចរ ផ្លូវគោកនៃស្នងការដ្ឋាន នគរបាលរាជធានីភ្នំពេញ ដើម្បីរងចាំម្ចាស់ក្រុមហ៊ុន មកដោះស្រាយជាក្រោយ ៕

ផ្តល់សិទ្ធដោយ កោះសន្តិភាព

ប្រវត្តិ សិរីសួស្ដី របស់មនុស្ស និងការកាត់ក្បាល កបិលមហាព្រហ្ម ត្រូវបាន Town ថតវិដេអូឃ្លីប បង្ហាញជាថ្មី

By sothy 12:22 AM ព័ត៌មានជាតិ No comments

ប្រភពមកពី៖ khmerload

ភ្នំពេញ៖ ទន្ទឹមនឹងឱកាស បុណ្យចូលឆ្នាំខ្មែរ ប្រពៃណីជាតិ រំកិលមកដល់ ក្នុងពេលឆាប់ៗខាងមុខនេះ គេសង្កេតឃើញថា នៅតាមបណ្តា ក្រុមហ៊ុន ផលិតកម្ម ចម្រៀងជាច្រើន បាននាំគ្នាសម្រឹតសម្រាំង ត្រៀមបទចម្រៀងជាច្រើន ត្រៀមសម្រាប់ បុណ្យចូលឆ្នាំ ខាងមុខនេះ ដើម្បីឲ្យបងប្អូន ប្រជាពលរដ្ឋរាំ លេងកម្សាន្ត សប្បាយទាំងអស់គ្នា។

នៅក្នុងនោះ ដើម្បីឲ្យមានភាព ប្លែកអារម្មណ៍ និងទទួលស្វាគមន៍ ឱកាសបុណ្យ ចូលឆ្នាំប្រពៃណីខ្មែរ ផលិតកម្ម Town បានថតវីដេអូខ្លីមួយ ស្ដីពីប្រវត្តិបុណ្យ ចូលឆ្នាំខ្មែរ (មហាសង្ក្រាន្ត តាមឆ្នាំនីមួយៗ) និងសបញ្ជាក់ ពីសិរីសួរស្ដី ទាំង៣របស់មនុស្ស ស្ថិតនៅត្រង់ណា ។ ជាពិសេស កបិលមហាព្រហ្ម បានសុខចិត្តកាត់ព្រះសិរសា របស់ព្រះអង្គ ដោយសារតែចាញ់ ប្រាជ្ញចៅមាណព្វ ឲ្យទៅបុត្រីទាំង៧អង្គ របស់ព្រះអង្គ។

ខ្សែវិដេអូ មានរយៈពេលជិត៥នាទី ដោយនៅក្នុងនោះ ឃើញមានវត្តមាន តារាចម្រៀ ងប្រុសស្រីល្បីឈ្មោះ គឺ លោក សុគន្ធ ថេរ៉ាយុទ្ធ និង សុគន្ធ នីសា ចូលរួមសម្តែងផងដែរ ។

កុំឲ្យខាតពេលយូរ ទស្សនាទាំងអស់គ្នា តើមានអត្ថន័យយ៉ាងណា?

ផ្តល់សិទ្ធដោយ ដើមអម្ពិល

គេងលើស ៨ម៉ោងក្នុងមួយថ្ងៃ អាចគ្រោះថ្នាក់ដល់ជីវិត

By sothy 12:00 AM សុខភាព No comments

ប្រភពមកពី៖ news.sabay.com.kh

មនុស្សភាគច្រើនភ័យខ្លាចគេងមិនគ្រប់គ្រាន់ អាចបណ្ដាលឲ្យប៉ះពាល់ដល់ការលូតលាស់រាងកាយ ឬសុខភាពចុះខ្សោយជាដើម។ តាមការពិត គេងច្រើនពេកអាចធ្វើឲ្យអាយុខ្លីជាងធម្មតា និងមានគ្រោះថ្នាក់ចំពោះសុខភាពទៅវិញទេ។ នេះបើតាមការសិក្សារបស់ក្រុមអ្នកស្រាវជ្រាវ មកពីសាកលវិទ្យាល័យ Warwick ប្រទេសអង់គ្លេស។

ក្រុមអ្នកស្រាវជ្រាវមកពីសាកលវិទ្យាល័យ Warwick ប្រទេសអង់គ្លេស បានវិភាគទៅលើការសិក្សា១៦ ផ្សេងគ្នា ដោយរាប់បញ្ចូលទាំងទិន្នន័យម៉ោងគេង របស់មនុស្សជាង ១លាននាក់ផង។ សាស្ត្រាចារ្យ Franco Cappuccio បានរកឃើញថា មនុស្សដែលទម្លាប់គេងច្រើនជាង ៨ម៉ោងក្នុងមួយថ្ងៃ អាចប្រឈមនឹងហានិភ័យឆាប់ស្លាប់ជាង អ្នកគេងចន្លោះពី ៦ ទៅ ៨ម៉ោង។

ការអះអាងរបស់សាស្ត្រាចារ្យ Cappuccio ដោយយោងទៅលើការវិភាគទិន្នន័យសិក្សារយៈពេលវែងចំពោះមនុស្សស្លាប់ និងទម្លាប់គេងប្រចាំថ្ងៃរបស់ពួកគេ។ លទ្ធផល ១០ឆ្នាំក្រោយមក បង្ហាញថា ១២ភាគរយ នៃចំនួនអ្នកស្លាប់ គេងតិចជាង ៦ម៉ោង ប៉ុន្តែដល់ទៅ ៣០ភាគរយក្នុងចំណោមនោះ គឺជាអ្នកគេងលើសពី ៨ម៉ោង។

ក្រុមអ្នកស្រាវជ្រាវបានក្រើនរំលឹកទៀតថា កំណើនហានិភ័យនៃការស្លាប់ចំពោះអ្នកគេងលើសពី ៨ម៉ោង ស្មើទៅនឹងការទទួលទានកាហ្វេច្រើនកែវក្នុងមួយថ្ងៃដែរ។ ម្យ៉ាងវិញទៀត ការគេងច្រើនអាចក្លាយជាទម្លាប់ និងបណ្ដាលឲ្យខ្ជិលបាន។ ដូចនេះរយៈពេលគេងដែលល្អបំផុតសម្រាប់មនុស្សពេញវ័យ គឺចន្លោះពី ៦ ទៅ ៨ម៉ោង៕

ចុចអាន៖ របៀបគេងនៅតុការិយាល័យពេលម៉ោងសម្រាក

ប្រែសម្រួល៖ គង់ វិសាល
ប្រភព៖ Metro

បើឪពុកធ្វើបែបនេះ កូនក្រមុំណាមិនស្រក់ទឹកភ្នែក

By sothy 11:47 PM ពត័មានអន្តជាតិ No comments

ប្រភពមកពី៖ news.sabay.com.kh

ឪពុកម្ដាយគ្រប់រូប សុទ្ធតែស្រលាញ់ថ្នាក់ថ្នម ចិញ្ចឹមបីបមកូនតាំងពីតូចក្រូចឆ្មារ មិនចង់ឲ្យបាត់មុខទៅណាសូម្បីមួយវិនាទី។ យ៉ាងណាមិញ ពេលវេលាចេះតែរំកិលទៅមុខ ឯការរស់ជុំគ្នាមិនអាចស្ថិតស្ថេររហូតទេ។ រៀបការរួច កូនភាគច្រើនប្រាកដជានៅបែកពីឪពុកម្ដាយ ដូចនេះហើយទើបក្នុងពិធីអាពាហ៍ពិពាហ៍ មនុស្សភាគច្រើនចាត់ទុកជាវេលាមានន័យបំផុតក្នុងជីវិត ហើយក៏ជាពេលសោកសៅមួយដែរ។

ដើម្បីជាកាដូជូនពរកូនស្រីក្នុងថ្ងៃរៀបការ ឪពុកម្នាក់បានរៀនធ្វើកាយវិការតាមអត្ថន័យបទចម្រៀងពេញមួយឆ្នាំ រួចសម្ដែងក្នុងពិធីអាពាហ៍ពិពាហ៍របស់នាង រហូតធ្វើឲ្យនាងរំភើបចិត្តទប់ទឹកភ្នែកមិនជាប់។

ជាធម្មតា ដើម្បីទទួលស្វាគមន៍ភ្ញៀវ និងជូនពរកូនកំលោះក្រមុំក្នុងថ្ងៃរៀបការ ឪពុកម្ដាយតែងនិយាយពាក្យមួយចំនួន ប៉ុន្តែឪពុកម្នាក់នេះបែរបដិសេធមិននិយាយអ្វីទាំងអស់ ហើយធ្វើរឿងប្លែកនឹកស្មានមិនដល់។ លោកបានបញ្ចេញកាយវិការតាមអត្ថន័យចម្រៀងមួយបទមានចំណងជើងថា “I Loved Her First” ។

កូនក្រមុំដ៏មានសំណាងឈ្មោះ Nicole Cortez បានរៀបរាប់ថា “នៅថ្ងៃរៀបការ ឪពុកខ្ញុំ ធ្វើឲ្យខ្ញុំ និងប្ដី ភ្ញាក់ផ្អើលខ្លាំងណាស់ ដោយច្រៀងចម្រៀងដ៏ពីរោះមួយបទ… ខ្ញុំជាអ្នកបកប្រែកាយវិការ ហើយគាត់ធ្វើបែបនេះពិតជាមានន័យណាស់សម្រាប់ខ្ញុំ។ គាត់និយាយថា រៀនមួយឆ្នាំតាំងពីខ្ញុំភ្ជាប់ពាក្យ ទើបអាចធ្វើកាយវិការមានអត្ថន័យតាមបទចម្រៀងនេះបាន”…។

ទស្សនាវីដេអូសកម្មភាពដ៏ភ្ញាក់ផ្អើលដែលឪពុកធ្វើចំពោះកូនស្រី៖

ចុចអាន៖ ធុញថប់យ៉ាងណាក៏ដោយ មើលវីដេអូអាពាហ៍ពិពាហ៍នេះហើយធានាថាសើចតាម

ដោយ៖ គង់ វិសាល
ប្រភព៖ inspiremore

បាក់ស្ពានពោធិ៍សាលា ដោយសារ រថយន្តដឹកអុស បើកឆ្លងកាត់

By sothy 11:40 PM ព័ត៌មានជាតិ No comments

ប្រភពមកពី៖ khmerload

កំពង់ចាម៖ ស្ពានពោធិ៍សាលា ស្ថិតនៅក្នុងឃុំ ព្រែកក្របៅ ចន្លោះផ្លូវពីថ្នល់ទទឹង ឃុំជ្រៃវៀន ទីរួមស្រុកព្រៃឈរ ទៅឃុំពាមជីកង ស្រុកកងមាស បានបាក់ទាំងស្រុង កាលពីយប់មិញ ដោយសាររថយន្ត ដឹកអុសមួយគ្រឿង បានបើកឆ្លងកាត់។

យោងតាមមន្រ្តីនគរបាល បានឲ្យដឹងថា ហេតុការណ៍បាក់ស្ពាននេះ បានកើតឡើងនៅ វេលាម៉ោងប្រមាណ ១រំលងអាធ្រាត្រ ឈានចូល ថ្ងៃទី២៦ ខែមីនា ឆ្នាំ២០១៥។ មន្រ្តីនគរបាលបន្តថា នៅម៉ោងកើតហេតុ មានរថយន្ត មួយគ្រឿងម៉ាក ហ្វីណូ ដឹកអុសពេញ បានបើកបរឆ្លងកាត់ ដល់ពាក់កណ្តាលស្ពាន ស្រាប់តែបាក់តែម្តង។

ក្រោយកើតហេតុ អ្នកបើករថយន្ត បានរត់គេចខ្លួនបាត់ បន្សល់តែរថយន្ត នៅជាប់កណ្តាលស្ពាន។ នៅព្រឹកថ្ងៃទី២៦ ខែមីនា កម្លាំងសមត្ថកិច្ច និងអាជ្ញាធរពាក់ព័ន្ធ បានចុះទៅកន្លែងកើតហេតុ ដើម្បីស្ទួចយក រថយន្តចេញ និងពិនិត្យការខូចខាត៕

ផ្តល់សិទ្ធដោយ ដើមអម្ពិល

ពេជ្រ សោភា ត្អូញត្អែរសម្រក់ ទឹកភ្នែក ព្រោះតែ នឹកឪពុក (Video Inside)

By sothy 10:46 PM ជីវិតសិល្បះ No comments

ប្រភពមកពី៖ khmerload

ភ្នំពេញ៖ បើទោះបីជាពេលនេះ តារាចម្រៀងប្រចាំផលិតកម្ម ហង្សមាស អ្នកនាង ពេជ្រ សោភា បានរៀបការ មានស្វាមី រួចហើយ ក៏ដោយ តែនាងហាក់នៅតែមាន ភាពកណ្តោច កណ្តែង ខ្វះភាព កក់ក្តៅដដែល ព្រោះថាឪពុក ជាទីស្រឡាញ់ របស់នាង បានលាចាកលោក ទៅចោល នាងគ្មានថ្ងៃត្រឡប់ ហើយក៏គ្មាន ក្តីស្រលាញ់ របស់បុរសណា មក ជំនួសឪពុក នាងបានដែរ ។

តាមរយៈឃ្លីបសម្លេងមួយ ដែលមានរយៈពេលជាង១នាទី តារាចម្រៀងថ្គាមខ្លា អ្នក នាង ពេជ្រ សោភា បង្ហោះ នៅលើ បណ្តាញ ទំនាក់ទំនង សង្គម Facebook បានបង្ហាញ សំឡេង ថ្ងួចថ្ងូរ ត្អូញត្អែរ សម្រក់ទឹកភ្នែក និយាយ ក្តែងៗថា «ពិភព លោកនេះ ត្រជាក់ ណាស់ពុកអើយ បើមាន ពុកប្រហែល កូនមិន ត្រជាក់បែបនេះទេ ខ្ញុំមានភាពឯកា នឹកឪពុក ចង់ឱប ឪពុក ចង់ប្រាប់រឿង គ្រប់យ៉ាង ឲ្យឪពុកបានដឹង ចង់ឲ្យពុក លើកទឹកចិត្ត ដល់ខ្ញុំ….» ។

សម្រាប់អ្នកដែលបានឮសំឡេង របស់ អ្នកនាង ពេជ្រ សោភា ហើយ ពិតជាទប់អារម្មណ៍ឈឺចាប់ សម្រក់ទឹក ភ្នែកតាម នាងមិនខាន ។ ប៉ុន្តែអ្វីដែល ទស្សនិកជន និងអ្នកគាំទ្រនាង មានការ ចាប់អារម្មណ៍ និងងឿង ឆ្ងល់ខ្លាំងនោះ គឺនាងមាន បញ្ហាអ្វី ហេតុអី នៅសុខៗ រំលេច ភាពឈឺ ចាប់ទុក្ខសោក បែបនេះ បង្ហោះពេញបណ្តាញទំនាក់ទំនង សង្គម Facebook ដូច្នេះ ?

ផ្តល់សិទ្ធដោយ ដើមអម្ពិល

បារាំងអនុញ្ញាតឲ្យក្មេងអាយុ១៤ឆ្នាំបើកឡានអគ្គិសនី Twizy ដោយស្របច្បាប់

By sothy 10:45 PM បច្ចេសវិទ្យា No comments

ប្រភពមកពី៖ news.sabay.com.kh

ថ្មីៗនេះ ក្រុមហ៊ុនផលិតរថយន្តរបស់បារាំងមានឈ្មោះថា Renault បានផលិតប្រភេទរថយន្តអគ្គិសនីប្រភេទតូចថ្មីមួយមានឈ្មោះថា Twizy ដែលអាចឲ្យយុវ័យអាយុ ១៤ ឆ្នាំបើកបរដោយស្របច្បាប់នៅក្នុងប្រទេសបារាំង។

Twizy គឺជាប្រភេទឡានតូចមានកៅអីអង្គុយពីរ ហើយរថយន្តនេះមានទម្ងន់ ៤៥៣ គ.ក ម៉ូទ័រអគ្គិសនីកម្លាំង ១៣ សេស អាគុយសម្រាប់ផ្ទុកថាមពល និង អាចបើកដំណើរការបានក្នុងចម្ងាយ ៩៦ គ.ម ក្នុងល្បឿនអតិបរិមា ៨០,៤គ.ម/ម សម្រាប់ថាមពលពេញ។

មិនខុសពីប្រភេទឡានធម្មតានោះទេ Twizy គឺមានពោងសុវត្ថិភាព ខ្សែរក្រវ៉ាត់ កៅអីអង្គុយពីរ ភ្លើងចង្កៀង និង ភ្លើងស៊ីញ៉ូ ប៉ុន្តែមិនមានកន្លែងសម្រាប់ទុកដាក់របស់របរមួយចំនួនដូចជា បារី ស្រាជាដើម៕ Twizy ត្រូវបានលក់ក្នុងតម្លៃ ៧៦០០ ដុល្លារ៕

RENAULT TWIZY (X09) - PHASE 1 - GAMME 2013

អានបន្ត៖ Google ផលិតបច្ចេកវិទ្យាពោងសុវត្ថិភាពខាងមុខរថយន្ត ដើម្បីការពារអ្នកដំណើរ

ប្រែសម្រួល៖ សំនៀង

ប្រភព៖ wired

ពិភពពត៌មាន

This is default featured slide 1 title

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Tuesday, March 31, 2015

អតីត U-16 ជម្រើសជាតិខ្មែរម្នាក់ ចុះកុងត្រា លេងនៅលីកបាល់ទាត់អាមេរិក

ខ្លីៗជុំវិញលទ្ធផលប្រជុំធំនៅក្រសួងប្រៃសណីយ៍នៅព្រឹកនេះ

ចេញពី ឡើងផ្ទះមិត្តភក្តិ ចោរដេញកាប់ ប្លន់យកម៉ូតូ ដោយសុវត្ថិភាព (មានវីដេអូ)

U-22 កម្ពុជា មកដល់ម៉ោង ២:៥០ នាទីថ្ងៃនេះក្រោយចប់យុទ្ធនាការប្រកួតនៅថៃ

Microsoft គ្រោងនឹងបញ្ចេញ Notebook តម្លៃ១៤៩$ ផ្ដួល Chromebook របស់ Google

តារាស្រីថៃ Chompoo នឹងរៀបការ ជាមួួយមិត្តប្រុស ក្នុងខែឧសភានេះ

មើលឈុតព្រឺព្រួចក្នុងទ្រុង UFC តិចមើល៍ ញាច់សាច់ប៉ុណ្ណាដែរ?

Monday, March 30, 2015

អត្ថប្រយោជន៍ ទាំង១០ ចំពោះសុខភាព ដែលទទួលបានពី «ជីអង្កាម»

Thursday, March 26, 2015

Samsung Galaxy S6 ធ្វើឲ្យភ្ញាក់ផ្អើលបណ្តាញសារព័ត៌មាននានាជុំវិញពិភពលោក

ប្រេស៊ីល ទៅសងសឹកបារាំងដល់ផ្ទះ បន្តភាពមិនចាញ់៧ប្រកួតជាប់គ្នា

មិនគួរឲ្យជឿ ថាគ្រាប់ផ្កាឈូករ័ត្ន មានប្រយោជន៍ ចំពោះសុខភាព ច្រើនយ៉ាងនេះសោះ!

នាយក្រិន មានភរិយាថ្មី និងមានកូនម្នាក់ទៀតហើយ

រថយន្តដឹក ស៊ីម៉ង់ត៍បុក ម៉ូតូហុងដា វ៉េវរបួសធ្ងន់ បុរសម្នាក់ (មានវីដេអូ)

ប្រវត្តិ សិរីសួស្ដី របស់មនុស្ស និងការកាត់ក្បាល កបិលមហាព្រហ្ម ត្រូវបាន Town ថតវិដេអូឃ្លីប បង្ហាញជាថ្មី

គេងលើស ៨ម៉ោងក្នុងមួយថ្ងៃ អាចគ្រោះថ្នាក់ដល់ជីវិត

Wednesday, March 25, 2015

បើឪពុកធ្វើបែបនេះ កូនក្រមុំណាមិនស្រក់ទឹកភ្នែក

បាក់ស្ពានពោធិ៍សាលា ដោយសារ រថយន្តដឹកអុស បើកឆ្លងកាត់

ពេជ្រ សោភា ត្អូញត្អែរសម្រក់ ទឹកភ្នែក ព្រោះតែ នឹកឪពុក (Video Inside)

បារាំងអនុញ្ញាតឲ្យក្មេងអាយុ១៤ឆ្នាំបើកឡានអគ្គិសនី Twizy ដោយស្របច្បាប់

Facebook

visiter

Labels

Blog Archive

Blogroll

Recent Posts

Download

Text Widget

Labels

Tuesday, March 31, 2015

Monday, March 30, 2015

Thursday, March 26, 2015

Wednesday, March 25, 2015

Social Profiles

Facebook

visiter

Labels

Blog Archive

Blogroll

Recent Posts

Download

Text Widget

Labels